Eygló hamingjusama :)

Erla Rakel Björnsdóttir....

2008-10-20T06:11:00.000-07:00

.... kom í heiminn 5.október síðastliðinn klukkan 9:17 :) Hún er því orðin 15 daga í dag! Hún braggast svakalega vel og þessi mynd er tekin af henni þegar hún var 8 daga :) Hún drekkur og sefur og gerir í bleyjuna sína :) Það er algjört æði að vera mamma og sjá um hana og allt við hana er alveg dásamlegt! Við Bjössi erum alveg að elska þetta nýja hlutverk :):)

Jæja þá er tilkynningarskyldunni lokið en ég býst ekki við því að vera dugleg að blogga en ég er mjöög dugleg að setja inn myndir af Erlu Rakel á barnalandssíðuna hennar :)

Kveð í bili..

Stolta mamman :):)

:)

2008-09-09T15:17:00.000-07:00

Jú Íris ég veit að það er kominn september :):):) Múahahahahaha

Ég er orðin alveg svakalega löt að blogga en ég er alltaf að skrifa inn á barnalandssíðuna, nóg um að vera þar svo að ef einhver er forvitinn um hvað ég er að brasa eða e-ð þá bara skoða þar :)

Annars gengur meðgangan vel og ég er gengin 37 vikur og 3 daga í dag og farið að styttast mjög í litla gullið :) Við erum svakalega spennt og allt er líka að verða tilbúið :)

Njótið lífsins kæru lesendur (Íris mín, þú tekur þetta til þín)

Eyglóin síblómstrandi :):)

MJÖG skemmtileg helgi að baki :)

2008-07-21T14:11:00.000-07:00

Við fórum um helgina ég, Bjössi, Arna, Hrund, Íris, Karlott, Petra Rut, Katrín Tara og Erling Elí á Fitina :) Það var löngu planað að fara í systraútilegu og við hefðum ekki getað verið heppnari með veður! Á laugardeginum var svoleiðis glampandi sól og mig minnir að það hafi verið 21° í skugga!!! Alveg magnað.. Enda "sendum" við kallana með börnin í sund og lágum svo systurnar og flatmöguðum í sólbaði, tvær saman á vindsængum :) Íris og Karlott í tjaldvagnapartýinu á föstudagskvöldinu!

Arna að frjósa og Hrund sætar saman :)

Ég var með :)

Karlott og Bjössi!!

Íris stökk út og setti upp þennan risa stiga til að ná flottum myndum af himninum sem var mjöög svo fallegur þetta kvöld :)

Eins og þið sjáið á þessari mynd :):)

Hrund og Arna sætar í sólbaði :):)

Petra Rut sæt með swiss miss í bollanum sínum! Alveg í stíl við fötin!

Og Katrín Tara líka með bolla í stíl við fötin! Alger pæja!

Erling Elí að leika sér með pottana :)Bjössi í afslöppun :)

Við nutum helgarinnar alveg í botn og það er svo notalegt að koma þarna á landið þeirra pabba og mömmu :) Við njótum þeirra forréttinda að fá að nota þennan æðislega stað með þeim og er það alveg æðislegt! Virkilega æðislegt :)

Á sunnudeginum var ekki alveg eins mikil sól svo að við ákváðum að pakka um 1 leytið og kíkja inní Þorsteinslund.. Fallegt að skoða þar og hér koma nokkrar myndir þaðan :)

Ég að stelast í bláberin áður en við lögðum í hann...

Við Arna við hliðið inní garðinn..

SÆTU mæðgur.. Katrín Tara og Erling Elí sváfu í bílnum!
Sjálfsmynd.. Að deyja úr frjókornaofnæmi :$

Hvar er Íris???? Hehe....

Á leiðinni heim stoppuðum við hjá pabba og mömmu - það er ekki annað hægt! Tilheyrir að kíkja á þau á leiðinni heim :) Þar var auðvitað vel tekið á móti okkur öllum, borðuðum saman og lokuðum helginni þannig :) Fullkomið :)

Langar að enda á að óska henni Theu og fjölskyldu innilega til hamingju með gullfallega Theodór Ísak sem fæddist á laugardagsmorguninn :) Það var svo fyndið að ég vaknaði við gleðiöskur í Örnu þann morgun og ég alveg um leið og ég heyrði það " Thea er greinilega búin að eiga" hehe.. Arna alltaf með jafn skemmtileg viðbrögð :)

En jæja ég held ég láti þetta gott heita í bili.. Krílið hefur það alveg meiriháttar gott og það er aldeilis farið að styttast í komu þessu :) En við bíðum bara róleg og þolinmóð :)

Þar til næst.. Eyglóin

Vinnuhelgi :)

2008-06-30T12:03:00.000-07:00

Um helgina vorum við hjónin og restin af minni fjölskyldu austur á Fit í Fljótshlíð en pabbi og mamma (og við með þeim) eiga land þar! Við vorum að setja upp rólur og sandkassa, bera á nýja bústaðinn og fleira :)
Var alveg hrikalega gaman að vera svona öll saman, bara eins og venjulega þegar við hittumst! Hehe :) Helgin gekk vel og rólurnar slógu alveg í gegn hjá Petru Rut og Katrínu Töru, en stelpurnar hennar Örnu voru hjá pabba sínum.. Þetta kemur mjög vel út og verður skemmtilegt leiksvæði þegar allt verður komið sem á að koma.. Bjössi smíðaði svo hálfan sandkassa en pabbi kláraði svo þegar við fórum heim :) Ég gat ekki mikið hjálpað að mér fannst, ég var með svo mikið frjókornaofnæmi og þurfti mikið að vera inni.. Ég gat þó aðeins hjálpað til! Ég hringdi í lækni í dag og fékk ofnæmistöflur sem má taka á meðgöngu, hinar sem ég á má nefnilega ekki taka óléttur og ég geri það að sjálfsögðu ekki!!!

En ég fór svo aftur að vinna í dag, var búin að vera í sumarfríi frá og með 20.júní og dagurinn var svona frekar strembinn, það er svo rosalega loftlaust í vinnunni að mig svimaði og flökraði þar inni í dag og verð örugglega þannig áfram.. Ég hlýt að meika samt þessar næstu 2 vikur en þá lokar leikskólinn í 3 vikur :) Verður það næs eða hvað??? ;);)

Næst á dagskrá er ættarmót næstu helgi en það er í ættinni hjá Bjössa, pabba hans megin :) Það verður eflaust skemmtilegt og gaman, það verður nálægt Hvammstanga og við förum að sjálfsögðu með tjaldvagninn okkar æðislega :)

Jæja mig langaði bara rétt að henda inn nokkrum línum, ég tók eiginlega engar myndir um helgina svo að það verða engar myndir að þessu sinni!

Kveðja Eygló ofnæmispési

Sumarbústaðarferð :)

2008-06-26T15:49:00.000-07:00

Við fórum í sumarbústað öll mín fjölskylda síðustu helgi og svo vorum við Bjössi áfram þangað til við komum svo heim í dag :)

Það voru sem sagt pabbi og mamma, og svo við systurnar og makar og börn! Svo æðislegt að vera svona saman fjölskyldan og njóta þess að vera saman! Á föstudagskvöldinu fóru kallarnir að veiða og við stelpurnar í pottinn og við fengum meira að segja þjónustu í pottinn.. Fengum s.s. rosa flottan og góðan sumardrykk í fallegum glösum í pottinn og mikið var það notalegt!

Fjórar sætar frænkur :)

Allar að gera stút á munninn :)

Þessar dúllur líka! ;)

Sætar mæðgur!

Bjössi sæti að búa sig til að fara að veiða :)

Pabbi að hnýta e-ð ... .. .. .. ... ... ..Þórey Erla að blása sápukúlur! Katrín Tara og Þórey Erla svoo sætar saman!! :):)Danía Rut og Petra Rut með dúkkurnar sínar!Sætar systur :)

Notalegheit! Við mamma sætar saman :)

Pabbi og mamma með öll barnabörnin! Svo sannarlega rík!!!

Við fórum svo öll í rosalega skemmtilega ferð á sunnudeginum, keyrðum á Gullfoss og Geysi og það var ekkert smá skemmtilegt að sjá Strokk gjósa.. Löbbuðum upp að hverunum og horfðum nokkrum sinnum á Strokk gjósa! Mjög flott.. Keyrðum svo að Gullfossi og það var líka flott en líka pínu skerí.. Æ svo mikill foss e-ð.. En mjög fallegur! Ætla að setja inn myndir frá þessari ferð svo þið sjáið hvað það var gaman:

Stórvinirnir Bjössi og Þórey Erla

Allir að bíða eftir að Strokkur gjósi..

Við að hvíla lúin bein.. Eða e-ð ;)

Við Bjössi við Gullfoss, skemmtileg mynd!

Erling Elí sætasti :) Algjör monsi !!!!

Ætla að láta þetta duga í bili.. Langar að setja inn næstum allar myndirnar en það tæki sinn tímann því að við tókum tæpar 300 myndir þessa viku :) En þetta var í heildina alveg svakalega skemmtileg ferð! Á þriðudeginum komu svo Arna, Hrund og Thea og gistu eina nótt og það var bara gaman!! Þær eru svo skemmtilegar að það hálfa væri sko hellins ;) En well...

Vona að þið njótið þessara mynda sem ég setti inn og fyrirgefið hvað ég skrifa lítið.. Hehe.. En mér finnst allta svo gaman að sjá svona myndablogg.. Vona því að þetta slái í gegn :)

Kveðja í bili. .. . .Eygló

Skemmtilegur 17. júní :)

2008-06-17T14:20:00.000-07:00

Við hittumst á planinu hjá Hafnarfjarðarkirkju við Bjössi, Arna og skvísur og Íris og Karlott og börn :) Löbbuðum langa leið (að mér fannst allavega) að Víðistaðatúni og þar var margt um manninn og leiktæki, aðallega samt hoppukastala :) Karlott fór nokkrar ferðir með nokkrar sætar skvísur meðan við hin sleiktum sólina innan um trén á mjög góðum og lognmiklum stað :) Algjörlega æðislegt veður, ég ýmist sat eða lá og sleikti sólina! Svimaði líka í sólinni en þá lagðist ég bara ;)

Katrín Tara sæta í kerrunni sinni :)

Ætla að setja inn myndir svo þið getið séð hvað var mikið æði hjá okkur :)

Arna með 2 af skvísunum sínum!!

Og Erling Elí þarna alsæll með kleinuna sína :)

Sætasti :)

Íris í hollustunni :)

Ég í fullum blómstra! Hehe

Petra Rut með sleikjódudduna sína

Sara Ísold ekkert smá einbeitt!!

Þetta var algjör æði dagur :) Við vorum heillengi í þessum garði eða túni og nutum lífsins saman! Hittum Söru og Bigga, sáum Dagný og co og Birgi Kiddason, Yngva og Alís og Línu og Sölku Rut :) Mjög gaman að hitta allt þetta fólk! Veðrið var líka alveg yndislegt! Svolítið rok sem ég var bara ánægð með.. Hefði örugglega bráðnað niður annars! Við keyptum pylsur og þessa sleikjóa handa stelpunm en Arna og Íris biðu hátt í klst í biðröð eftir afgreiðslu! Allt gert fyrir blessuð börnin :) Eðlilega!

Íris að munda myndavélina!

3 að spjalla saman!

Danía Rut að þykjast vera sofandi ;)

Erling Elí sætabaun í flotta vagninum sínum!

Fórum svo öll heim til okkar Bjössa þar sem við grilluðum saman og enduðum daginn saman þannig :) Virkilega skemmtilegur dagur að kveldi kominn!! Ég settist svo út á svalir þegar fólkið mitt fór og sleikti sólina þar þangað til ég gat ekki meira!

En jæja ég ætla að hætta í bili!

Njótið lífsins! Kveðja Eygló blóm

Notalegheit :)

2008-06-02T12:18:00.000-07:00

Síðustu helgi fórum við Bjössi í fyrstu útileguna þetta sumarið :) Við skelltum okkur á Úlfljótsvatn og við vorum ein á öllu tjaldstæðinu, sem var svolítið skondið :) Við nutum þess í botn að vera í útilegu og það var bara kósý að vera svona tvö, löbbuðum niður að vatni og reyndum að veiða en enginn fiskur lét blekkjast ;) Hehe.. Var samt gaman að kasta og draga inn! Það er alltaf gott að æfa sig í því! Gistum eina nótt og tjaldvagninn okkar er bara æði :)

Við fengum svo að fara í kofann á Fitinni á laugardaginn síðasta og vorum þar yfir nóttina :) Mikið rosalega var það notalegt og kósý! Bara að koma í Fljótshlíðina fyllir mann einhverskonar friður og það er ekki hægt annað en að líða vel þar :) Svo gott að koma þangað, ekki það að ég sé e-ð friðlaus eða svoleiðis en æ þið vitið hvað ég meina sem farið þangað oft :):) Paradís á jörðu er kannski nærri lagi :)

Ég hef ekki vitund verið dugleg að blogga síðan ég varð ófrísk :$ Lái mér hver sem vill! Ég skrifa í hverri viku í vefdagbókina á Barnalandi og hef gaman af :) Ég er farin að blómstra og komin með þessa sætu kúlu sem ég er rígmontin af :) Krílið er líka farið að sparka svona skemmtilega og ég brosi alltaf eins og kjáni þegar það byrjar! Er að elska þetta allt saman út í gegn :) Svo mikð kraftaverk og ég er svo þakklát fyrir að fá að ganga með barn, það er sko allt annað en sjálfsagt! Geri mér alveg grein fyrir því núna :) Forréttindi út í gegn! En ég er bara heilsuhraust og hef lést um ca 5 kíló síðan ég varð ólétt en ég er komin 23 og 1/2 viku og tíminn flýgur!!! Sem er svo sem fínt því að þá færist ég nær og nær því að verða mamma :):):)

Við förum í viku sumarfrí þann 20.júní og ég er löngu farin að telja niður dagana :) Við ætlum að fara í sumarbústað, verðum þá helgi öll mín fjölskylda, s.s pabbi, mamma, við systurnar, makar og börn :) Hlakka massa til :) Svo verðum við Bjössi áfram út vikuna :) Svo helgina eftir það er vinnuhelgi á Fitinni yndislegu en þá verða settar upp rólur og sandkassi og fíneri á landinu sem verður æðislegt fyrir krakkana að leika sér í :):)

Við förum svo í 3ja vikna sumarfrí 11.júlí og þá er stefnan tekin norður og er það löngu kominn tími til!!!! Höfum ekki farið síðan um áramótin, en við höfum eiginlega ekki tímt að fara vegna hás bensínverðs og svo eina helgina þegar við ætluðum þá var svo hundleiðinleg veðurspá!! En við förum pottþétt í júlí og ég hlakka miiikið til :):):)

En jæja ég held að þetta sé nóg í bili!! Vonandi læt ég ekki líða 1 og 1/2 mánuð á milli færslna næst :$:$

Ég kveð í bili þó - Eygló yfir sig mikið hamingjusama með lífið :):):):)

Dekur :)

2008-04-18T09:12:00.000-07:00

Ég fór í dekur áðan á snyrtistofu og mikið var það svakalega notalegt :) Bjössi gaf mér gjafabréf í andlitsbað og parafin maska fyrir hendur í brúðkaupsafmælisgjöf og ég var loksins að nýta mér það í dag :) Maður verður hálfdasaður eftir á. En æðislegt engu að síður!

Ég hef nú ekki bloggað í háa herrans tíð eða bráðum mánuð, ég er voðalega löt orðin við þessa síðu en ég er dugleg að uppfæra krílasíðuna okkar :) Meðgangan gengur annars bara mjög vel! Ég er komin 17 vikur á morgun og mér finnst tíminn fljúga!!! Alveg með ólíkindum að það geti komið helgi annan hvern dag (eða svona næstum) Öll ógleði löngu farin, það eina sem ég finn er að ég er voðalega þreytt og lúin á kvöldin :$ Ég þurfti að berjast við að sofna ekki í gær í sófanum og klukkan var ekki nema 19:45, ég hringdi svo í Örnu og spurði hana (meðgöngusnillinginn) hvort þetta væri eðlilegt! Hún tjáði mér svo vera! Ég nefnilega sofnaði svo auðvitað í sófanum!!

Vinnan gengur vel og það er einmitt opið hús á morgun og það verður eflaust skemmtilegt! Annars er nú lítið planað þessa helgi nema taka til og þrífa og hafa það gott :)

Ætla að láta þetta nægja í bili!

Njótið helgarinnar og lífsins elsku vinir :)

Bumbukveðjur Eygló :):):):)

Páskafrí!

2008-03-20T11:42:00.000-07:00

Takk allir fyrir kommentin á síðustu færslu, gladdi mig alveg gommu og ég fékk helling af e-mailum með beiðni um lykilorðið á krílasíðuna :) Bara gaman að því!!

Jú jú, komnir Páskar enn einu sinni :) Það er alveg ótrúlegt hvað tíminn líður hratt..

Síðustu páska vann ég Nóatúni og allir vita sem lesa þetta blogg hvað gerðist daginn eftir páskana :) Hehe.. Það er að verða ár síða s.s að ég gekk útúr Nóatúni.. :) Fyrsti í páskafríi í dag og við brölluðum aðeins :)

Fórum aðeins í smá bæjarferð og komum svo heim á milli þess sem við ætluðum til ömmu og afa.. Nema hvað ég skil töskuna mína eftir út í bíl og hleyp bara rétt upp með vörurnar og Bjössi með auðvitað, nema hvað þegar við erum svo komin út og erum að labba niður stigaganginn þá uppgötvar Bjössi að hann er lyklalaus :(:( Ég varð "nett" pirruð, mínir lyklar læstir inn í bíl og hans lyklar læstir upp í íbúð! Garg.. Oh pirrandi og enginn með aukalykla hjá okkur! Það endaði með þvi að Bjössi hringdi í mömmu sem fann einhverja lásaopnara sem komu svo á endanum og opnuðu bílinn.. Vá hvað ég varð glöð að komast inn í bílinn.. tók hátt í klukkutíma frá því við læstum okkur úti þangað til við vorum komin til ömmu og afa.. Við stoppuðum þar í rúma 2 klukkutíma og það var mjög gaman bara, spjallað um allt milli himins og jarðar :)

Ég ætlaði að búa til páskaegg handa okkur Bjössa saman en hætti snarlega við þegar ég fékk egg númer 3 frá Nóa frá vinnunni og Bjössi fékk númer 6 frá Nóa! Ekki ætla ég að fara að bæta þriðja egginu við þó svo að Nóa eggin séu ekkert góð.. Mig langar ekkert í þau!! En ætli maður narti ekki e-ð í þau? Sjáum til með það :)

Við erum að hugsa um að kíkja austur annað hvort í kvöld eða á morgun, ætla að leyfa Bjössa að ráða því :)

Eigið gott frí elsku vinir og hafið það gott :)

Eygló hamingjusama

Gaman að segja frá því :)

2008-03-13T10:44:00.000-07:00

Að ég er loksins að verða vinnufær :) Ég fór til læknis á þriðjudaginn og ég er með vægt bronkítis (sem skýrir þennan rosa hósta sem ég er búin að vera með) og ég fékk astmalyf við því sem ég er að taka. Er reyndar enn að læra inn á það þar sem þetta er svona innsogslyf en ég er öll að koma til held ég bara.. Er búið að vera óglatt og hef ekki náð að halda mat niðri en síðustu 3 daga hef ég náð að halda öllu niðri með naumindum þó! En ég ætla í vinnuna á morgun, verð örugglega voða drusluleg en það verður bara að hafa það!! Nenni ekki meir að hanga heima, alein í þokkbót..

Eða kannski ekki alveg alein en það má nú samt segja að ég sé ein.. En ég er eigi kona einsömul lengur og er gaman að segja frá því að við Bjössi eigum von á litlum sólargeisla seinnipartinn í september :):):):):):):):):):):):)

Við erum auðvitað alveg í skýjunum yfir þvi og erum alveg svakalega spennt fyrir þessu öllu :) Við erum búin að fara 2 sinnum í snemmsónar og allt lítur vel út og fengum myndir og svona :) Fer svo í fyrstu mæðraskoðun í lok mars og hlakka ég bara til!

Hafið það svakalega gott og eins og og ég sagði í síðasta bloggi að ég myndi koma með skemmtilegra blogg næst :) Vona að þetta gleðji ykkur elsku lesendur :)

Eyglóin + 1 :)

P.s erum búin að gera síðu, þetta er slóðin www.barnaland.is/barn/69896 en hún er læst. Ef þið viljið lykilorðið, sendið þá póst á bjorningij@internet.is :)

Titill

2008-03-08T06:41:00.000-08:00

Er ekki kominn tími á að rita hér nokkur orð?

Ég hef ekki beint haft heilsu til þess síðustu daga. Búin að liggja í flensunni alla vikuna og er búið að líða hreint hörmulega.. Rúmlega 39 stiga hiti í 3 daga, hósti, höfuðverkur og allt sem fylgir þessari ljótu pest! Í dag er 6. dagurinn sem ég held mig inni og ég verð líka inni á morgun en ég vona svoo að Guð gefi að ég komist í vinnuna á mánudaginn! Þetta er orðið gott! Er betri núna með hverjum deginum og þetta er besti dagurinn minn síðan fyrir viku :)

Ég hef nú ekki brallað margt þessa viku, skiljanlega, en síðustu helgi var ég á móti í Kotinu og það var fínt, ég var nú reyndar orðin hálfslöpp og naut mín því ekki alveg eins og ég hefði getað.. Við Arna áttum svo afmæli á sunnudaginn og það er nú alltaf svoo skemmtilegt :) Svo innilega mikið dagurinn manns e-ð :) Þegar við komum til pabba og mömmu, en þau voru að passa fyrir Örnu, þá tók á móti okkur, auðvitað gullin hennar Örnu, kjúklingur og sósa, og svoooo pakkar :):) Hehe.. Einni sem finnst það aldrei leiðinlegt :) Frá pabba og mömmu fékk ég kápu, alveg meiriháttar flotta og skvísulega, er að hrikalega ánægð með hana :):) Takk fyrir mig sætu :)
Þegar ég loksins komst heim til Bjössa míns, þá beið mín risa pakki á eldhúsborðinu :):):):) Hann var svo sætur að gefa mér glænýjan gsm síma !!!! Ég hoppaði næstum hæð mína! Minn gamli var að detta í það að verða 3 og 1/2 árs svo að þetta var alveg kærkomið :) Ótrúlega flottur, þunnur og glæsilegur Nokia sími! Takk fyrir mig elskan mín :):)

Svo er ég bara búin að vera lasin síðan á afmælisdaginn.. Við ætluðum að halda smá fullorðinsafmæli hérna hjá okkur Bjössa í kvöld en urðum að aflýsa því vegna heilsu, Arna er nefnilega komin með flensuna líka og ég ekki alveg orðin góð :(

En jæja ég ætla að láta þetta gott heita.. Næsta blogg verður örugglega skemmtilegra, ekkert svona mikið veikindavesen vonandi :)

Eigið góða helgi öll sömul
Eygló

Nú jæja!

2008-02-26T10:44:00.000-08:00

Það er eiginlega löngu kominn tími á almennilega færslu hér á þessu ágæta bloggi!

Lífið alltaf jafn gott bara og skemmtilegt! Helgina var t.d alveg meiriháttar! Á laugardaginn var ég sótt af Hrund og Theu þar sem Bjössi var nú á námskeiði til að undirbúa sig enn betur fyrir sveinsprófið sem er næstu helgi :) Við fórum til Örnu og þaðan lá leiðin í Kolaportið :) Mér finnst alltaf jafn gaman að koma þangað og skoða mannlífið og vörurnar sem er verið að selja, margt algjört kompudrasl en sumt barasta alveg flott sko! Við keyptum okkur svo hveitikökur og flatkökur og döðlubrauð og fórum heim og smökkuðum á því eftir að hafa komið við í Hagkaup!

Um kvöldið fórum við allar í sitthvora áttina og ég auðvitað heim til Bjössa míns. Við höfðum það bara kósý saman og horfðum á eurovision forkeppnina og vorum alveg hæstánægð með úrslitin! Þau (Friðrik Ómar og Regína Ósk) voru alveg hrikalega flott og atriðið æði :) Þau eiga pottþétt eftir að verða Íslandi til sóma í Serbíu!

Á sunnudeginum fór ég svo með Örnu og Hrund austur, og svo ennþá meira austur! Við fórum s.s með pabba og mömmu austur í Fljótshlíð, nánar tiltekið á Föðurland í kofann okkar :) Fyrst var alveg ískalt og ég fór undir teppi og hreyfði mig ekki því að þá varð mér enn kaldara.. En svo fór nú smám saman að hitna og verða notalegra, við fengum okkur smá snarl þar í kósýheitunum og svo skelltu pabbi og mama sér uppí Kot að heimsækja Hansa og Auju og komu svo og sóttu okkur í kofann.. Pabbi bauð okkur svo á Gallerý Pizza og mikið eru pizzurnar þar góðar :) Var komin heim um 22 um kvöldið og þar með lauk helginni!

Mjög skemmtilegt helgi að baki.. Er svo að fara á mótið í Kotinu næstu helgi og það verður örugglega alveg magnað! Bjössi verður á fullu í sveinsprófinu þá og hann sagði mér endilega að fara á mótið með Örnu og Hrund.. Well, það verður örugglega mjög gaman hjá okkur!

Og svo má ekki gleyma því að ég á afmæli (jújú og Arna líka auðvitað) á sunnudaginn og hlakka mikið til :) Við ætlum nú bara að hafa pínu ponsu veislu en það er alltaf gaman að halda upp á afmælið sitt samt sem áður :)

Njótið lífsins, það er svo frábært!
Eyglóin rétt bráðum afmælisbarn! :):):):)

Bara sætt :)

2008-02-15T11:47:00.000-08:00

***Góðir vinir***

Hva!

2008-01-28T14:29:00.000-08:00

Engin komment í rúmar 2 vikur ;)

Hrund hringdi í mig í vinnuna áðan og bað mig að sauma fyrir sig rauðhettuskikkju :) Ég var nú ekki alveg að sjá það fyrir mér að ég gæti það því að ég hef ekki saumað í örugglega 10 ár! eða allavega hátt í það! En þetta tókst nú alveg :) Við erum svo gott team við Hrund.. Bjössi nefnilega var að taka til í geymslunni um daginn og fann gömlu saumavélina hennar mömmu sem ég hélt að ég hefði löngu týnt! Ég get ekki ímyndað mér hversu margar klukkustundir ég eyddi við þessa yndis saumavél þegar ég var unglingur :):):)

Jæja þetta var bara svona smá blogg :)
Njótið lífsins - það er blessun :)
Eyglóin ykkar hamingjusama

Lífið leikur við mig :)

2008-01-13T09:06:00.000-08:00

Hef ekki nennt að blogga neitt fyrr en núna :)

Við höfðum það mjög gott fyrir norðan yfir áramótin og dvöldum í góðu yfirlæti hjá tengdapabba :) Þetta var í fyrsta skipti á ævinni sem ég var ekki með fjölskyldunni minni um hátíð en það var bara svo skemmtilegt :) Tengdó eldaði þennan dýrindis kalkún með svooo hrikalega góðri fyllingu að það var æði bara! Við vorum öll tengdafjölskyldan samankomin, Áslaug og Guðrún og Jói og börn, Gummi og Nonni og auðvitað við Bjössi :) Þegar klukkan fór að líða í 12 á miðnætti þá kappklæddum við okkur og löbbuðum Skarðshlíðina og niður að á :) Vorum þar þegar nýja árið gekk í garð :) Svaka rómó sko!

En jæja! Lífið farið að ganga sinn vanagang! Vinnan byrjuð og allt orðið eins og það á að vera eftir jól :) Við hittumst hjá Írisi og Karlott á föstudagskvöldið sem sagt ég og Bjössi og Arna kom líka með :) Spiluðum trivial pursuit og það var mjööög skemmtilegt kvöld! Alltaf svo gaman að hittast og spila saman! Svo fórum við systurnar allar með pabba á kaffihús á miðvikudagskvöldið og Erling Elí fékk að fljóta með! Það var sko ekki leiðinlegt. En það var mjög notalegt á kaffihúsinu og þetta var í 3ja skipti sem pabbi býður okkur dætrum sínum á kaffihús á aðventunni, en við komumst ekki þessi jólin á aðventunni vegna veikinda! Mjög skemmtileg stund bara :) Nutum þess í botn að spjalla og rabba saman :)

Jæja ég ætla að fara að hætta í bili..

Eigið alveg stórgóða vinnuviku framundan elsku vinir :)

Ykkar Eygló sem lífið leikur við!

Komin norður :)

2007-12-30T03:28:00.000-08:00

Eins gott að við keyðrum norður í gær en ekki í dag þar sem víða er óveður og léleg færð..

En jólin :) Æðisleg út í gegn! Við fórum austur á aðfangadag e-ð um 3 leytið og þar er alltaf svo notalegt! Jólamaturinn var auðvitað snilld í gegn en hún Danía Rut sætabaun vildi brauð takk :) Svo sæt :) Ég fékk svo möndluna annað árið í röð! Bjóst alls ekki við því þar sem ég er alls ekki sú heppnasta í fjölskyldunni ;) En þarna var ég sko heppin, finnst svo gaman að fá möndluna og ég sá glitta í hana eiginlega strax en lét nú alla klára úr skálinni áður en ég uppljóstraði að ég hefði verið sú heppna ;) Ég fékk líka aukapakka (möndlugjöfina) og í honum var Monopoly :) Geggjað flott spil! En ég fékk líka alveg helling af pökkum og þar á meðal var náttbuxur, jólasyrpa, jólaóróinn 2007 frá Georg Jensen og þríkrossinn en þetta fékk ég allt frá Bjössa mínum :):) Ekkert smá flott :) Frá pabba og mömmu fengum við rosalega flottar svuntur af því við erum svo húsleg (mömmu orð) og roosalega flotta gamaldags rauða vigt, svona eldhúsvigt, góð í baksturinn! Frá tengdamömmu fengum við ýmislegt :) Púða sem smellpassar á rúmið, 2 kókglös, hana til að hafa í eldhúsinu, 2 hjörtu til að hengja á vegg, og fleira. Allt mjög flott!! Frá tengdapbba fékk Bjössi einn íslenskan jólasvein og ég öðruvísi mjög sætan jólasvein, og svo 15.000 kr gjafabréf í Búsáhöld þar sem sparistellið okkar fæst :):):):) Geggjað barasta!!! Fengum svo alveg helling í viðbót sem ég tel ekki upp hér nema ég VERÐ að segja ykkur frá gjöfinni til mín frá henni Írisi :) Ég fór að skæla þegar ég tók hana upp! Fyrst sá ég bara albúm og var svolítið hissa hvað Íris var spennt að gefa mér albúm! En hún var búin að fylla albúmið af myndum úr gæsuninni minni og skrifa texta með og mér þótti svo vænt um þetta að ég felldi nokkur alvöru tár :) Oh þetta gladdi mig alveg gommu!

Á jóladag hittumst við öll stórfjölskyldan í Húsinu við Ána og það var notalegt sem endranær! Borðuðum þar saman hangiket og með því og meðlætið var nú ekki af verri endanum, Bjössi sauð niður rauðkál sem var lystagott og allir sammála um ágæti þess :):)

En jæja takkarnir á tölvunni eru að stríða mér og við erum að fara aðeins að versla þá ætla ég aðeins að hætta!

Erum komin norður og dveljum hér í góðu yfirlæti hjá tengdapabba :) Fer mjög vel um okkur og áramótin verða örugglega bara æðisleg, en þetta verður í fyrsta skipti á ævinni sem ég er ekki með fjölskyldunni minni yfir áramótin! En einhvern tímann er allt fyrst! Og það var eins gott að við keyrðum í gær því að það er allt kolófært í dag!
En eigið gleðileg og slysalaus áramót og Guð veri með ykkur :)

Eygló

Gleðileg jól :)

2007-12-24T02:41:00.000-08:00

Þetta krúttlega jólaskraut föndraði ég sem smástelpa :) Grjónakellinguna gerði ég í jólaföndri hjá ömmu þegar ég hef verið 4-5 ára og jólaengilinn gerði ég í sunnudagaskólanum í Völvufelli, man nú ekki hvað ég var gömul en kannski 6-7 ára?

Aðfangadagur runnin upp enn einu sinni! Finnst hann næstum hafa verið í gær - finnst tíminn vera farinn að fljúga á aðeins of mikilli ferð! En í dag getum við s.s. sungið "aðfangadagur jóla er einmitt í dag og við syngjum saman lag" man alltaf þegar ég var lítið og söng þetta lag alla aðventuna en auðvitað átti það ekki við alla dagana ;)

Við hjónin höfum aldeilis notið aðventunnar! Fórum í Garðheima í gær og ég keypti híasintu, nema hvað að þegar ég kem heim segir Bjössi, sem var að taka grenið úr pokanum líka - hérna er svo hintasían! Ég hélt ég yrði ekki eldri! Hló eins og vitleysingur enda jólaspenningur að nálgast hámark :) Haha... Fórum svo í jólaljósarúnt og mikið eru mörg heimili skreytt fallega og gaman að sjá öll jólatrén sem maður sá tindra gegnum gluggana :) Bjössi hitaði svo heitt súkkulaði og gaf mér í nýju bollana sem Ella Gitta gaf mér :) Rosa sætir :)

Ég fór svo á undan Bjössa að sofa, var alveg úrvinda! Búin að fara milljón sinnum í smá bæjarferðir og í pakkaútkeyrslu sem er reyndar alltaf gaman :)

En mig langar að enda á að óska ykkur öllum gleðilegra jóla og njótið nú jólanna :) Takk fyrir skemmtilegt ár allir!

Elska ykkur öll!

Ykkar Eygló ~ jólin komin :):)

Kertaljós og rómantík :)

2007-12-16T03:36:00.000-08:00

Var að reyna að finna flottan titil á þessa færslu og endaði uppi með þennan :)

Það eru einungis 8 dagar til jóla og ég skal lofa ykkur því að þeir munu líða hratt :):) En hvað aðventan er samt skemmtileg! Ég elska þennan tíma eins og allir vita! Ég var með stelpuaðventukvöld á þriðjudagskvöldið og það heppnaðist afar vel :) Við vorum nú samt fámennar en því góðmennari.. (er hægt að orða þetta svona?) En það var gaman að hittast og spjalla yfir heitu súkkulaði og smákökum :) Erling Elí kom með Írisi sem gerði partýið bara ennþá skemmtilegra og Júlía Guðrún Linnéa kom með Emilíu :) Mikið gaman bara!

Erling Elí og Júlía Guðrún Linnéa sætu frændsystkinin :)

Á föstudagskvöldið var hið árlega út að borða hjá skvísunum í mömmu fjölskyldu :) S.s amma og dætur og tengdadætur og dætur og tengdadætur dætranna :) Svo koma líka Sissa og Alís og það var mjööög gaman hjá okkur! Við skiptumst alltaf á pökkum og það gerir kvöldið enn gleðilegra, því að þeir sem mig þekkja vita hvað mér finnst gaman að fá pakka :):) Ég fékk rosalega sæt kerti og reykelsiskubba og lítinn konfektkassa og Kata skvís gaf þá gjöf :) V ið fórum á Grand hótel og það var mjög flott hjá þeim jólahlaðborðið, eina sem mér fannst asnalegt að þegar maður fékk sér hangiketið var sósan og kartöflurnar á öðrum stað og varð maður hálf að troðast til að fá sér (eða fara í aðra langa röð til að fá sósu) Svo voru jú raðirnar frekar mikið langar en þær voru fljótar að "líða" eða hvað segir maður? Svo sungu Bryndís og Sigga Bein jólalögin fyrir okkur og þær voru BARA góðar! Fólk fór á dansgólfið og það fór misvel með fólk....

Í gær hinsvegar vorum við Bjössi með jólaboð fyrir fjölskylduna mína! Pabbi og mamma komu og Hrund og Arna og svo Íris með sína fjölskyldu :) Stelpurnar hennar Örnu eru hjá pabba sínum en annars vorum við öll! Við vorum búin að baka eitthvað af smákökum og gerðum svo heitt súkklulaði með smá hjálp frá pabba og mömmu ;) Erum enn að læra þetta sko :):) Þetta var virkilega notaleg stund og gaman að njóta þess að hittast og eiga tíma saman á aðventunni! Við erum líka alveg einstaklega samheldin fjölskylda og þykir mér mjög vænt um það :) Enda eigum við systurnar bestu og þá meina ég þá langbestu foreldra sem fyrirfinnast :) Elska ykkur í bunkum :):) Þið eruð algjörlega æðisleg bara!

Sætasti að hræra í heita súkkulaðinu ;)

Ég ætlaði að henda inn helling af myndum en hver mynd er að hlaðast inn á 10-12 mínútum svo að ég nenni ekki að setja fleiri inn! Við erum svo á leiðinni í afmæli hjá Katrínu Töru á eftir, en hún varð 3ja ára 3.des! Verð að setja inn mynd af henni síðan í gær..

Katrín Tara litla skvís sofnaði hjá pabba sínum :) Svo sæt!

Læt þetta duga í bili!

Besta jólakveðja í heimi

Eygló ~ 8 dagar til jóla

20 dagar til jólanna :)

2007-12-04T13:37:00.000-08:00

Tíminn heldur áfram að líða hratt.. Verð orðin fertug áðun en ég næ að hnerra þrisvar! Eða það liggur við!

Málverkið okkar fallega er komið upp á vegg og fór eiginlega strax daginn eftir bara, við vorum ekki lengi að endurskipuleggja veggina aðeins til að koma þessu æðislega málverki fyrir :) Og það kemur mjög vel út þar sem það er! :) Mikil gleði með þetta bara..

En ég var s.s. í bökunarfríi í dag og nýtti mér það til hins ítrasta :) Í gær skellti ég í rúgbrauð, var löngu búin að safna mjólkurfernum en komst ekki í að baka fyrr en í gær, þau þurfa nefnilega svo langan tíma í ofninum að það er ekkert hægt á virkum dögum.. Nema í gær :) bakaði heila uppskrift svo að það voru 8 fullar fernur af rúgbrauði :) Ég sker það svo í tvennt og set frysti og svo þegar mig langar í rúgbrauð þá bara tek ég úr frysti og mmm alveg eins og nýbakað :) Algjört jammí :) Lyktin hér í íbúðinni var svooo góð í morgun þegar ég kom fram og hún var sterkari en síðast þegar ég bakaði, mjöög notalegt lykt og nostalgían alveg í hámarki :)

Ég að blanda deigið, búin að kaupa mér rúgbrauðsdeigsbala :)

Rúgbrauðsdeigið komið í fernurnar og búið að loka fyrir :)

Brauðið tilbúið eftir 16 klukkutíma af bakstri :) glæsilegt er það ekki??

Ég bakaði líka loftkökur í dag og gerði deig fyrir spesíur en þær verða bakaðar aðeins seinna.. Arna kom svo með stelpurnar og ég leyfði þeim að baka piparkökur úr rest af piparkökudeigi af opnu húsi í leikskólanum :) Þeim fannst það alveg ægilega gaman, ég gerði líka stafina þeirra úr loftkökudeigi og það fannst þeim ekkert smá sport :) Ég á svo eftir að gera stafi Petru Rutar og Katrínar Töru en þær koma bráðum í heimsókn og þá fá þær líka :) gaman að því bara! Dagurinn í dag er sem sagt búinn að vera bökunardagur með meiru :)

Svo varð ég bara að setja inn þessa sætu mynd af Þóreyju Erlu:

Þórey Erla yndigull :)

Tekur alveg ógnartíma að setja inn myndir svo að ég ætla að láta þessar nægja í bili..

Ætla til ömmu annað kvöld og klára að prjóna fyrir Snúllu í vinnunni :) Það er alltaf svo notalegt að koma til ömmu, hún er svo mikið gull :) Svo er samkoma á fimmtudaginn í Samhjálp og svo jólamatur fyrir starfsmenn í vinnunni á föstudag :) Er einmitt að fara á morgun og kaupa mér jólaskó, er búin að sjá eina geðveikt flotta sem ég er svolítið skotin í :)

Lífið er æði :D ~ njótum þess

Eygló jólastelpa - 20 dagar :):)

You only live once :)

2007-11-25T02:57:00.000-08:00

Helgin búin að vera meiriháttar :)

Á föstudaginn hittumst við heima hjá Örnu og við pöntuðum pizzu saman.. Arna fór svo á samkomu með Hrund og við Bjössi pössuðum fyrir hana á meðan :) Ég ætlaði ekki að trúa því að það væri komin helgi en jújú.. Var reyndar heima mánudag til miðvikudags í síðustu viku, var með svo hryllilega mikið kvef og fékk líka hita.. Bjakk.. En svona er þetta nú, tíminn flýgur og gaman að segja frá því að það eru 29 dagar til jóla :):):):)

Við fórum svo í afmæli í gær til Hrafnhildar og Ágústar.. Þetta var líka innflutningspartý og var mjöög gaman að sjá húsið þeirra en það er mjööög flott og á 3 hæðum! Við gátum reyndar stoppað fremur stutt þar sem við komumst af því að kótilettukvöldið í Samhjálp byrjaði kl 19 en ekki 20 eins og við héldum!!! hehe.. En við komumst nú á réttum tíma þó..

Það var mjög gaman að fara á kótilettukvöldið en okkur var boðið af Valda og erum við honum mjög þakklát fyrir :) Takk fyrir okkur! Það var happdrætti og svo var bögglauppboð :) Ég var nú að dást að þeim sem gátu boðið 30 þúsund og fannst þeir svaka ríkir! Nema hvað, síðasta pakkann vildi ég!! Ég varð bara :) Það var sem sagt pakki og svo fylgdi málverk með ef einhver byði 70 þús!! Tek það fram að mér fannst málverkið MJÖÖG fallegt og ég var búin að heyra að einhver Magnús hefði málað það en ég átti nú engan pening svo að ég hugsaði það ekki lengra - - - þangað til ég heyrði að Magnús Guðnason hefði málað það 1987!!!!! Þeir sem ekki þekkja mig það vel til að vita en þá var hann afi minn og listagóður málari :) Ég átti 2 málverk fyrir eftir hann og ég gat bara ekki hugsað mér að þetta fallega málverk myndi enda bara einhvers staðar! Það endaði þannig að við buðum 85 þúsund og það var slegið okkur :):):):) Ég var eiginlega í geðshræringu eftir þetta því að það er mér svoo dýrmætt að eiga þetta málverk, ekki nóg með að afi málaði það heldur er þetta mjög kristilegt málverk þar sem fólk gengur að vatni til að láta niðurdýfast :) Fæ bara gæsahúð við að skrifa þetta!! Ég tók mynd af málverkinu til að leyfa ykkur að sjá!

Allir að segja mér hvað þeim finnst! Ég veit að 85þúsund er svolítið mikill peningur en það er ekki á hverjum degi sem málverk eftir afa er í boði og ég bara stóðst ekki mátið :) Og maður lifir nú bara einu sinni!!!! :) Ég er allavega HÆSTánægð með þetta og svo ætla ég að bara að óska mér pening í afmælisgjöf þegar þar að kemur og það fer upp í myndina.. Því að mig vantar svo sem ekki neitt :) Gleði gleði gleði!

Eygló jólabarn með meiru :):):):)

Oh mig langar svo mikið til að fara að skreyta!!!

2007-11-18T06:06:00.000-08:00

5 vikur til jóla á morgun!

Við fórum hjónakornin niður í geymslu að finna smá jólaskraut, var að leita að jólasveini sem ég málaði fyrir nokkrum árum en finn hann ekki :( hann er ekki með jólaskrautinu og er eflaust einhvers staðar með venjulega draslinu í öðrum kassa niðrí geymslu. Þarf samt endilega að finna hann, hann er svo flottur :) en við tókum alla kassana upp og ég var að skoða í gegnum þetta og er núna alveg sjúk í að fara að skreyta! Við eigum ekki nema 7 kassa af skrauti sem verður að teljast nokkuð gott :):) Við ætlum að skreyta næstu helgi og ég hlakka MJÖG til þess!!!

Ég fór á Ladda showið á föstudaginn með konunum úr vinnunni og það sem ég hló!! Ég grét svoleiðis úr hlátri að ég hélt að maskarinn yrði allur á kinnunum eftir sýninguna en svo fór þó ekki! En jiminn hvað hann er mikill snillingur maðurinn! Kom svo heim og var að segja Bjössa frá og grét þá ennþá meira úr hlátri! :):):):) Mæli algjörlega með þessu!

Helgin er annars búin að vera alveg ágæt. ég er reyndar alveg skelfilega kvefuð og hálfslöpp og mér finnst það brjálað pirrandi.. Síhnerrandi og hóstandi.. En vonandi fer það bara að fjúka! Var hálf einmana í gær. Bjössi var að vinna, Arna og Hrund á móti í Kotinu, Íris að læra undir próf, mamma í USA og amma í Köben, bakaði sörur í fyrsta skipti og hafði engan til að hringja í og fá aðstoð.. Fann svo Hrafnhildi frænku á msn og hún aðstoðaði mig :) Takk fyrir það sæta frænka mín! Náði svo að plata Írisi með mér í smástund í Smáralind og það var mjööög gaman! Alltaf gaman að hitta Írisi, þið vitið, hún er svo mikið æði :)

Bjössi ákvað að vera heima hjá mér í dag og erum við búin að vera að dúllast bara hér heima, hann er búinn að sparsla í naglaförin í eldhúsinu og það verður málað á allra næstu dögum :) Ég á með eindæmum duglegan mann! Hann er ótrúlegur! :)

Njótið lífsins elsku sætu vinir mínir :) Það er svo frábært!

Eygló jólastelpa - sem getur vart beðið :)

Kanntu brauð að baka?

2007-11-15T12:52:00.000-08:00

Já það kann ég svo sannarlega? Ég kann meira að segja núna að baka rúgbrauð! Það tókst svona ljómandi vel enda er ég auðvitað ekkert annað en snillingur! Ég gaf pabba og mömmu brauð og þeim fannst það mjög gott, pabbi sagði reyndar að það mætti vera aðeins meira af sykri og smá salt! Ég ætla að baka aftur fyrir jólin og þá ætla ég að baka heila uppskrift! Bjössa fannst líka æðislegt að vakna við lyktina af nýbökuðu rúgbrauði og smakka á því líka :)

Annars hefur nú vikan liðið alveg óhemjuhratt að venju og aftur föstudagur á morgun, please einhver klípa mig í kinnina og segja mér að það sé bara júlí! Tíminn flýgur!!! Ég er að telja niður til jóla á svona tússtöflu í vinnunni og það eru bara 39 dagar í dag.. Ég ætla að dúlla mér að baka sörur um helgina og hafa það gott!

En þetta var bara svona smá blogg..

bæ í bili

Rúgbrauðið hennar Hrefnu ömmu :)

2007-11-09T11:53:00.000-08:00

Ég man þegar ég var lítil þá bakaði mamma stundum rúgbrauð :) Ég man að hún setti deigið í mjólkurfernur og bakaði það mjööög lengi eða alveg yfir nótt!! Man líka hvað þetta var gott brauð :) Ella amma var að tala um þetta brauð um daginn og talaði um hvað þetta var gott brauð, og að pabbi hefði líka bakað það en ég man ekki eftir því! Hehe.. Allavega! Ég var að baka svona rúgbrauð og það er búið að vera hálftíma að bakast, það er að minnsta kosti 13-14 klst að bakast svo að í hádeginu á morgun fæ ég mér að öllum líkindum NÝBAKAÐ ilmandi og rjúkandi heitt rúgbrauð með smjörva og ÍSKALDA undanrennu með :) Þetta er uppskrift frá Hrefnu ömmu æðibita þó ég muni ekki eftir því hjá henni þá hefur hún eflaust bakað það milljón sinnum, eins myndarleg og hún nú er :) :)

Við ætlum að hafa það afspyrnu gott og notalegt um helgina, ætlum í Byko eða Húsasmiðjuna á morgun og skoða vaska og krana inn á bað hjá okkur, en vaskurinn er mjög ljótur eftir að hafa brotnað um árið.. Svo að það er brot í honum sem var bara límt aftur í :) Ætlum aðallega að skoða veit ekki með að kaupa :) Sjáum til með það ;) ;) Ætlum líka að mála eldhúsið fyrir jólin og það verður eins á litinn og íbúðin :) :)

Hittumst í gær systurnar með börnin okkar (ég á svo mikið í þeirra börnum sko) og máluðum keramik saman, með jólaöl í hönd og pensil auðvitað og hlustuðum á jólalög, mikið var það notaleg og skemmtileg stund bara :) Frábært að eiga svo æðislegar systur og vera svona góðar vinkonur :) Lov U girls :=* Planið er að hittast aftur seinna og mála.. Yndis

Verð líka að segja að mér finnst tíminn óhugnalega fljótur að líða! Mér finnst það hálf scary að það sé komin helgi aftur því að hún er NÝbúin! Er ég ein um að finnast tíminn þjóta framhjá??

En lokaorðin mín í dag verða:

Til hamingju Anna Sigga mín og Friðjón með Snorra Karel, litla gullmolann ykkar, þið ykkar sem vitið ekki meir þá fengu þau dreng og hann var 12 merkur og 50 cm.. Algjört grjón :)

Verið marg marg blessuð elskurnar mínar og ég læt vita hvernig rúgbrauðið heppnast :)

Eygló - 45 dagar til jóla :):):)

Helgarfrí :)

2007-11-03T02:34:00.000-07:00

Notalegt as always :)

Er nývöknuð klukkan 9:30 fyrir utan smá vakn þegar Bjössi fór að vinna kl 7:30 í morgun. Síðasta blogg var nú ekki langt en lýsti samt mér :) Ég er afspyrnu hamingjusöm og það er rosalega góð tilfinning :)

Það eru núna 3 vikur síðan við vorum úti og boy oh boy hvað tíminn líður hratt!! Við höfum nú lítið brallað svo sem nema vinna borða sofa :) En jú svona eitthvað samt. Við hittumst systurnar eitt kvöldið og máluðum keramik! Það var ekkert smáræðis skemmtilegt, höfum ekki málað í einhver ár svo að það var mjög gaman. Petra Rut og Katrín Tara fengu að vera með og það var alveg frábært! Þær máluðu lítil jólatré og þau voru svo sæt hjá þeim :) Ég fór og málaði jólasvein úr tréi með konunum úr vinnunni síðasta föstudagskvöld og það var mjög gaman líka, alltaf gaman að föndra fyrir jólin :) Enda er ég þvílíka jólaabarnið eins og allir sem mig þekkja vita :)

Það er líka bara 51 dagur til jóla :)

Fórum síðasta fimmtudag, ég, Arna og Hrund í leikhús. Sáum Pabbann með leikaranum sem lék Hellisbúann.. Ég gat helling hlegið og maðurinn er náttúrulega bara snillingur!!! Ég mæli samt frekar með þessu leikriti fyrir fólk sem á börn og hefur gengið í gegnum allan pakkann með meðgöngu og að fara úr að vera bara 2 í að vera með börn.. Mikið farið ofan í það auðvitað :) En ég hló helling en Arna við hliðina á mér hló margfalt meira!! :) Enda hefur hún jú verið í mörgum aðstæðum sem voru tekin fyrir í leikritinu :) Hehe... En skemmtileg kvöldstund fyrir utan beljandi rigninguna og rokið sem dundi á okkur..

Tónleikar í kvöld sem ég hlakka mikið til að fara á! Gospelkór Reykjavíkur og einhver norskur kór líka, verður æði pottþétt!!!

En núna ætla ég að fara að setja í þvottavél og þrífa smávegis hérna heima :)

Eigið alveg æðislega!!!! helgi :)

Eygló jólastelpa ;);)

:)

2007-10-24T14:49:00.000-07:00

Ég er hamingjusöm :)

Ferðasagan :)

2007-10-17T12:01:00.000-07:00

Afi sótti okkur hálf 11 á fimmtudagsmorgun :) Við vorum komin út á flugvöll 11:15.. áttum flug kl 14. Vorum enga stund að tékka okkur inn og þá tók við að skoða sig um í fríhöfninni.. Eftir smá rölt kom tengdapabbi en hann kom ásamt fleirum Frost köllum með rútu að norðan :) Fengum okkur að borða nokkur saman og það var mjög gaman bara :)

Fluginu seinkaði um 20 mín, sem kom ekki að sök ;) Flugið gekk vel en það var 3 klst og 40 mín.. við lentum svo einhvern tímann um kvöldið í Madrid, man ekki hvað klukkan var en það var 2ja tíma mismunur hér og þar! Við fórum svo aftur nokkur á röltið og settum svo úti við einhvern veitingastað.. Þar var maginn fylltur - mismikið þó :) Ég og Bjössi pöntuðum okkur tapas eða smættlur.. Það voru svona smurð aflöng brauð með allskonar áleggi sem mér fannst mjög misgott!! Reykta síldin var best að mínu mati en gráðostakæfan verst! En ég smakkaði þó allt!!

Á föstudeginum var allt lokað vegna þjóðhátíðardegi Spánverja! Gaman að sjá hvernig þeir héldu upp á daginn og taka þátt þar! Herinn var með svaka sýningu og svo flugu flugvélar og þyrlur eftur kúnstarinnar reglum í röðum í háloftunum, mjög flott að sjá :) Við fórum svo í skoðunarferð um Madrid kl 14 :) Þar var keyrt um alla borgina og fengum við að sjá alla helstu staðina og kennileiti og svona.. Sáum þar t.d Plaza De Toros sem er aðal nautaatsstaðurinn í Madrid.. Tvo turna sem eru byggðir skakkt og mynda hlið evrópu eða það er það kallað :) rosalega flott! Skoðuðum konungshöllina sem er með hvorki meira né minna en 2400 herbergjum!!! Rosalegt! Einn úr hópnum hafði á orði að hann myndi ekki vilja ryksuga þar ;) Hehe sammála! Röltum svo um og vorum svo skilin eftir á torgi sem heitir Plaza De Mayor en þar hafa menn verið hálshöggnir og drottningin var krýnd þar og ýmislegt fleira gerst þarna! Gaman að koma þangað.. Röltum svo bara upp á hótel aftur.
Um kvöldið var svo árshátið Frost! Allir í fína pússinu og við löbbuðum örugglega í hálftíma að veitingastaðnum, ég var komin í svaka hælaskó en hætti snarlega við þá þegar ég vissi að átti að labba :) En við fengum svolítið fyndinn mat, lambalæri, 1 á mann. voru rosalega lítil læri að vísu og svo salat með, þeir reyndar skvetta alltaf vinegar á salatið og það finnst mér alveg hrikalega vont!! En kjötið var allt í lagi þó :) Fengum líka helling af forréttum sem voru margir mjög góðir!

Laugardagurinn var eiginlega fyrirfram ákveðinn verslunardagur :) Við tókum taxa í mollið Xanadú eftir að hafa snætt morgunmat. Við vorum þar í ca 2 klst og versluðum okkur aðeins af fötum í H&M og svona :) Komum upp á hótel aftur eftir hádegi einhvern tímann og fórum svo og fengum okkur pizzu! Löbbuðum svo af okkur lappirnar næstum, ég var að drepast! hittum tengdapabba og hjón frá Akureyri og löbbuðum enn meira með þeim :) hehe.. Fórum svo út að borða um kvöldið og mín fór þá í crocs skóna sína! Komum á staðinn og hann var svona frekar fínn og ég í crocs.. Hehe en það var eiginlega bara fyndið! Pöntuðum okkur saltfisk þar og ég hafði miklar væntingar því að ég hafði heyrt að þeir elduðu svo góðan saltfisk, en jæja, fékk e-ð hlussustykki á diskinn minn, með roðinu á og öllum beinunum :/ lítið saltbragð og það var eins og kokkurinn hefði bara rétt soðið hann! S.s ekkert merkilegt! En svo þegar við vorum að fara þá vildi kokkurinn endilega sýna okkur vínkjallarann.. Sem var merkilegur fyrir það að vera á 2.hæð :) Skondið!

Sunnudagurinn.. Löbbuðum nokkur saman og ætlunin var að fara á markað :) Þangað komumst við klakklaust en VÁ hvað það var troðið af fólki!!! Við splittuðum hópnum og höfðum klst til að fara sjálf og versla ef fólk vildi.. Ég keypti aðeins, kom sjálfri mér á óvart hvað ég verslaði "lítið" þar og nennti eiginlega ekki að vera lengi í þessari mannþröng.. Löbbuðum svo upp að Plaza Mayor og fengum okkur þar öll saman að borða :) Þennan dag var glampandi sól 25 stiga hiti.. Næs :) Versluðum aðeins af jólagjöfum þegar við komum heim en margar búðir voru lokaðar vegna þess að þeir taka hvíldardaginn svo heilagan.. Sem var auðvitað hið besta mál! fórum svo á perúskan veitingastað um kvöldið og fengum rosalega góðan mat þar! Ég fékk mér kálfakjöt með lauk og hrísgrjónum og Bjössi nauta sirloinsteik með frönkum og meððí ;) Pökkuðum niður og fórum að sofa..

Mánudagurinn.. Fórum (algengasta orðið í þessari færslu) í minjagripabúð og svo bara klára að pakka og fljúga heim..

Er alveg uppgefin í puttunum og er að fá heimsókn svo að ég ætla að hætta í bili. Það er ekki hægt að setja inn myndir.. Það hefði verið gaman, ég reyni kannski að bæta þeim inn síðar..

Njótið kvöldsins kæru vinir og lífsins - það er gjös Guðs til okkar :) njótum þess :):)

Eyglóin - sem er farin að hlakka alveg rosalega til eftir 68 daga :);)

Madrid here we come :)

2007-10-11T02:57:00.000-07:00

Afi kemur eftir hálftíma að sækja okkur :)

*Er alveg ótrúlega spennt :)

*Ætla að skilja prjónadótið eftir heima :) (fyrst það má ekki koma með í flugvélina)

*Hlakka til að komast í góða veðrið :)

*Ætla að hafa það alveg rosalega gott :)

*Hlakka til að skoða mig um og líka kíkja í búðir :)

*Gaman gaman gaman gaman gaman :)

*Sjáumst á þriðjudaginn :)

*Eygló sem er aaalveg að fara til útlanda :):):):):):)

Fyrir einu ári.....

2007-10-09T15:10:00.000-07:00

Vorum ég og minn nýbakaði eiginmaður nýlent í New York, vorum þá að byrja æðislega brúðkaupsferð :) Ég var að hugsa i dag og rifja upp lyktina þegar við löbbuðum út frá flugstöðinni og gula leigubílinn sem keyrði okkur inn á Manhattan og hvernig allt var svo nýtt fyrir okkur! Þetta var sannkallað ævintýri og jiminn hvað það var gaman hjá okkur.. Löbbuðum oft út á kvöldin af hótelinu og löbbuðum bara og skoðuðum mannlífið sem er svo sannarlega skrautlegt í NY :):) Bara góðar minningar sko!

Við erum aftur á leiðinni á nýjan stað! Fljúgum til Madrid á fimmtudaginn og ég get ekki sagt annað en að ég sé spennt.. ! Hlakka til að skoða mig um þar með Bjössa og skapa skemmtilegar minningar, sem ég get yljað mér við eftir ár þegar við eigum 2ja ára brúðkaupsafmæli ;);) hehe Við erum að fara með vinnunni hans Bjössa, þeir borga fyrir hann og svo borgum við hluta af mínum miða, en það var einn vinnudagur í boði þar sem hægt var að vinna fyrir miða maka og Bjössi nýtti sér það og restin er svo dregin af næstu 3 launum hjá Bjössa mínum :) Rosalega sniðugt og gerir manni auðveldara fyrir að komast með :) sem er ekkert nema snilld!

Erum búin að safna slatta í gjaldeyri svo að við ætlum að reyna að kaupa e-ð af jólagjöfum og ég ætla að versla mér aðeins vinnuföt, er alltaf í sömu görmunum og langar að kaupa aðeins nýtt til að nota í vinnunni :) Gaman gaman...

En þar sem ég er aalveg að sofna ætla ég að fara að skríða inn í rúm :) Einn vinnudagur eftir, sofa svo eina nótt í viðbót og þá : Madrid here we come :):) *tilhlökkun á háu stigi*

Knúskveðja frá Eygló :)

Tvíburar :):)

2007-09-19T13:07:00.000-07:00

Ég er tvíburi og hef alltaf haft gaman af því :)

Fór í dag eftir vinnu með Örnu í Rúmfatalagerinn og mér fannst svo fyndið hvað afgreiðslustúlkan horfði, henni hefur eflaust fundist hún vera að sjá tvöfalt, hún skipist svo hratt á að horfa á okkur báðar :):)

Hef stundum velt því fyrir mér hvers vegna fólk horfir á okkur eins og við séum ALVEG EINS!! Erum kannski að labba í Kringlunni og ef maður fer að skoða það þá tekur maður eftir að fólk horfir svolítið á okkur ;) Skondið bara. Nema hvað.. Áðan stóðum við Arna nokkuð nálægt sama spegli og þá sá ég það að við erum barasta nokkuð líkar :) (Er aldrei e-ð að pæla í því að við séum líkar svona í daglega lífinu) En ég hef meira að segja séð mig á mynd og haldið að það væri Arna og ekki bara í eitt skipti!!! Geggjað fyndið :) Svo að ég skil kannski fólk sem hefur aldrei séð okkur áður að finnast við alveg eins :):) En þetta var bara tvíburapæling dagsins :) Gaman að þessu ;););););)

En útí aðra sálma :) Erum að fara að taka til í gestaherberginu á eftir við Bjössi, eigum von á næturgestum á morgun svo að það er eins gott að það sé pláss :) Guðrún og Jói eru að koma og verða fram á sunnudag og það verður mjög gaman :):)

Annars er nú lítið að frétta :) Nema jú að við erum komin á nýjan bíl :) Æðislega Hondu CRV og það er ekkert smá gott að keyra hana :) Sjálfskipt og skiptingin er í stýrinu :):) Snilld.is

Hafið það annars gott kæru vinir og verið góð hvert við annað :)

Eygló - tvíburi ;)

Ég er svo þakklát...

2007-09-15T13:22:00.000-07:00

....Fyrir að eiga svona frábærar systur og foreldra sem eru alltaf til staðar fyrir mig og auðvitað Bjössa minn sem ég elska meira en allt í lífinu :)

TAKK :)

Þið eruð bestust :):):):):)

Jæja er að fara að heimsækja ömmu sætu.. Þangað til næst,

Bæ í bili

Ah, helgarfrí :)

2007-09-08T01:49:00.000-07:00

Ég elska helgar :) Sérstaklega eftir að ég hætti að vinna þá! Það er svo notalegt að eiga helgarfrí, maður er búinn að vinna alla vikuna og þá er svo notalegt að labba úr vinnunni á föstudegi vitandi það að það er helgarfrí framundan og maður getur gert það sem manni langar til :)

Í dag erum við systurnar og co að fara austur á Selfoss til pabba og mömmu en þau voru að koma frá Mallorca í gær :):) Þau voru í 2 vikur og það er alltaf svo gaman að hitta þau eftir útlönd, fá að skoða myndir og já, bara hitta þau sem er alltaf skemmtilegt!! Svo eru tónleikar í Fíló í kvöld sem við Bjössi ætlum á, ég vona bara að Bjössi treysti sér á þá en hann er búinn að vera mjög lasinn og var með 39 stiga hita í marga daga, en í gær var fyrsti hitalausi dagurinn hans í viku! Brjáluð þessi flensa sem er að ganga!! Annars blikka ég bara Írisi með ;);) Arna og Hrund ætla líka svo að það verður örugglega gaman og tónleikarnir verða líka geggjaðir (svo sagði Lína mér, og ég trúi henni sko vel :))

Morgundagurinn er svo alveg óplanaður! Kannski höldum við áfram að gera gestaherbergið? Það væri gaman að fara að klára það.... Heyrðu ruglið í mér, Íris og co koma á morgun, Íris var nefnilega búin að panta nýbakaða skúffuköku og ÍSKALDA mjólk, :) nýi ísskápurinn okkar kælir svo vel að það besta sem ég veit núorðið er að fá mér ííískalda undanrennu í glas :) Og ég sem fékk mér aldrei, og þá meina ég aldrei, mjólkurglas hér áður!!! Arna líka skellihló eitt kvöldið þegar ég var hjá henni og sagði henni að mig langaði mest í íískalda undanrennu í glas!! Hehe

En jæja, við Arna ætlum að í Smáró áður en við förum austur en við förum sko EFTIR hádegið! Skil þau vel að sofa út eftir að koma heim að utan! :):)

Eigið alveg afspyrnu góða helgi :

Eygló sem er svo glöð :):):):)

Aftur...

2007-09-02T06:22:00.000-07:00

Var búin að blogga ágætis helling í gær en fékk svo eina ákveðna systur í heimsókn til mín í gær og það bara hvarf allt af skjánum, alveg óvart ;);) Þá er nú lítið annað hægt að gera en að skrifa upp á nýtt :)

Ég er búin að vera lasin alla síðustu viku, byrjaði á að veikjast í maganum á sunnudagskvöldið og var því heima úr vinnu á mánudaginn.. Mætti svo alveg galvösk í vinnu á þriðjudagsmorguninn en ég entist ekki nema klukkutíma.. Þá komin með brjálaðan hósta og mikið kvef :o/ Búin að vera að drepast úr kvefi og fá þessi þvílíkt vondu hóstaköst, fór upp á læknavakt á fimmtudagskvöldið því mér var ekki farið að standa á sama, aleins heima og átti hálferfitt með að anda milli hóstakastanna.. Bjakk, það fannst nú svo sem ekkert að nema bólgnir eitlar en ég fékk parkódín til að stilla hóstann svo ég gæti nú sofið e-ð!! Er svo búin að vera betri með hverjum deginum síðan þá. Ég ætla í vinnu á morgun :) Bjössi hins vegar er núna alveg heilmikið lasinn, fékk alveg 39,4 stiga hita í gær og ég hef aldrei séð hann svona veikann!! Gat nú lítið gert til að hjúkra honum annað en að gefa honum vatn en hann bara svaf allan daginn þetta yndi..

Í dag er sunnudagur og við erum búin að vera inni alla helgina, og verðum það áfram.

Erum svo að breyta gestaherberginu alveg :) Það er SVO skemmtilegt, við erum búin að henda út skápnum sem tók hálft herbergið, og gamla saumaborðinu sem amma gaf mér, það var orðið hálfljótt, en ég sakna þess nú samt smá! við keyptum okkur rosalega flotta kommóðu í Míru stíl, e-ð allt annað en ég þekkt fyrir að eiga á mínu heimili :) En gestaherbergið hefur verið hálfgerð geymsla en nú verður breyting þar á!! Erum búin að selja gamla rúmið mitt sem var gestarúm og ætlum að kaupa svefnsófa þar inn og gera herbergið voða kósý, enda fer ég létt með það ;);)

Well, ég ætla að taka aðeins til, hefur ekki verið mikil orka í það síðustu daga!

Njótið lífsins kæru vinir :)

Titill :)

2007-08-27T06:23:00.000-07:00

Baggalútafjaran var snilld :) Fórum þar sunnudag fyrir viku, ég fann helling af baggalútum og Bjössi fann líka slatta, Bjössi reyndi líka að veiða en veiddi eiginlega bara slý svo að það var ekki mikill árangur í þetta skiptið! Hehe.. Ég þvoði þá þegar ég kom heim og setti þá svo í glerskál sem við fengum í brúðkaupsgjöf og er nú á skenknum, ægilega flott :):)

Á fimmtudagskvöldið fórum svo við Arna til Emilíu í Hveragerði, það mætti halda að við byggjum í öðru landi því að á hverju Kotmóti þá tölum við um að fara að hittast en svo hefur aldrei orðið neitt úr því fyrr en núna.. Ætlum svo að stofna stelpuklúbb og fara að hittast nokkrar reglulega og hafa gaman saman :) Það var roosalega gaman að hitta hana og rifja upp gamlar skemmtilegar minningar, vandræðalegar sem og fyndnar :)

Á föstudagskvöldið fórum við svo á samkomu á Logos skipið þar sem bókamarkaðurinn er, við kíktum líka á bókamarkaðinn og ég keypti alveg smá, eða fyrir 3000 kr :) Margt svoo sniðugt þarna enda fór ég aftur á laugardaginn :) Vorum búin að vera að hjálpa Kidda og Ástu að flytja og kíktum svo aftur og þá kom Íris og börn með, rosa gaman :) ég keypti aftur alveg smá en ekki eins mikið og kvöldið áður!

Við hjónin kíktum svo á U.N.G samkomu í Samhjálp í gærkveldi, skemmtilegt og fjörugt, fórum reyndar snemma þar sem mér var svo flögurt, við fórum nebbla á Nings fyrir samkomuna og það hefur pottþétt verið e-ð í matnum! Bjakk, ældi úr mér lungun í morgun og er því heima í dag úr vinnu, finnst ekkert svo girnilega að vera spúandi í vinnunni!!

Búin að þrífa viðarrimlagardínurnar í dag og er svo að fara að ryksuga, við vorum að fá okkur nýjan sófa og það þýðir ekkert að vera með nýjan sófa og rykugar gardínur, það er ekkert skemmtilegt!

En jæja ég hef nú svo sem ekki mikið að segja, nema að hálsmenið mitt er ekki enn fundið! Allir á skeljarnar svo að það finnist!!

Takk gullmolarnir mínir :)

Eyglóin - heima að þrífa :)

19.ágúst 1998 :):)

2007-08-19T04:00:00.000-07:00

Vakn. kl 8:15. Fíló kl 9:00. Jatan kl 10:00-18:00 Arna kom kl 13:30 ca.
Grænmetishrísgrjónaréttur í k.mat. Familypartý. Pabbi, mamma og Hrund á leið til Portúgals 23.sept. Ég fer samferða Katli í skólann á morgun. Mæting kl 14:00.Skólabókakaup + skór á Írisi og Örnu á laugardag. (popp, ostapopp, kók, sprite, saltstangir hlaup í partýinu. Sofa um kl 23:00

Múahahahahahahaha

Var að finna gamla dagbók frá 1998 og mikið er nú fyndið að lesa hana, flest mjöög ómerkilegt en annað bara fyndið sko :):)

Fann alveg helling af skemmtilegu dóti þegar ég fór í gegnum kassana af háloftinu!! Fann m.a trölladeigskellingu sem Sirrý frænka hafði gefið mér 1995 og hún er komin upp inn í eldhúsi núna.. Fann helling af prjónuðu dóti sem ég var búin að steingleyma! T.d skotthúfa sem ég prjónaði og margfætla, mjöög gaman að finna allt þetta fót aftur :) Að ég tali nú ekki um steinasafnið mitt sem var geymt í double Cheerios pakka, og svo dýrgripir eins og krús sem Hrefna amma bjó til, mjög falleg, hjartalaga rauð með hvítu í.. Þykir mjög vænt um þessa krús :):) Ég s.s fann alveg hrúgu af skemmtilegum munum :)

En að öðru :) Við fórum í gær í afmæli til Petru Rutar sem er aalveg að verða 5 ára :) Það var verið að halda upp á það í gær en hún á afmæli 24. Mjög flott veisla hjá henni Írisi systir, enda ekki við öðru að búast þegar kemur að bakstri hjá henni skvísu :):) Alltaf jafn gaman líka að hitta fjölskylduna sína :) Takk fyrir okkur sætu :)

Í dag er planið, ef veðrið verður gott, að keyra inn í Hvalfjörð og kannski kíkja í Baggalútafjöruna, og þeir sem ekki vita hvað baggalútar eru (sko ekki hljómsveitin) þá eru það litlir kúlulaga fjólubláir steinar, mjög skemmtilegir :) Alltaf gaman að kíkja í þá fjöru :)

Eigið alveg rosalega góða vinnuviku og góðan sunnudag :)

Eygló

Höhömm...

2007-08-14T13:07:00.000-07:00

Ætlaði að blogga um helgina en gaf mér bara ekki tíma í það..

Síðustu viku vann ég 8-16 og sá alveg um eldhúsið í vinnunni og var það nokk gaman :) Eldaði ýmsan mat í fyrsta skipti á ævinni og tókst það vel upp, auðvitað ;);) Besta við þessa viku var að vera búin kl 16 að vinna, algjör draumur :) Þessi vinna er líka snilld að því leyti að það eru engar kvöldvaktir og engar helgar :) Love it.. Það eru líka 4 mánuðir síðan ég labbaði út í Nóatúni og vá hvað tíminn hefur liðið hratt :):)

Um helgina var Bjössi að vinna svo að ég fór í Kringluna með Örnu og dætrum og Írisi og dætrum, mjög gaman það, enda erum við svo skemmtilegar..

Á sunnudaginn bauð Arna okkur í heimsókn og það var alveg rosalega skemmtilegt, svo gaman að vera svona boðinn í heimsókn (var samt ekkert voðalega formlegt) hehe..

Á fimmtudaginn erum við svo búin að bjóða pabba, mömmu og Hrund í mat en ég hef voða gaman af því að bjóða fólki í mat og mættum við alveg gera það oftar!! En jæja...

Hef ekkert meira handa ykkur í bili.... Fannst ég bara verða að fara að blogga e-ð! Bleh :)

Eigið góða vinnuviku áfram elsku vinir :):)

Eyglóin ýkt þreytta núna...

Sumarfríið búið..

2007-08-06T11:28:00.000-07:00

Tekið rétt við brúna á Fitinni á fimmtudagskvöldinu :)

Alvara lífsins tekur við á morgun.. Ekki ætla ég nú að kvarta en við höfum haft það afspyrnu gott í fríinu og ferðast ágætlega mikið, vorum allavega meira að heiman en heima svo að ég myndi segja að við höfum bara gert nokkuð gott úr þessum 3 vikum :)

Þið sem hafið fylgst með blogginu mínu vita svo sem hvert við fórum svo að ég ætla ekkert að útlista það neitt nánar, lesið bara neðar á blogginu mínu ef þið eruð forvitin :)

Verslunarmannahelgin afstaðin, hrikalegt að heyra með banaslysið, þau eru alltof mörg. Votta aðstandendum samúð mína. Sá link á video sem snerti rosalega við mér, ekki það að ég sé ofsaakstursmanneskja eða keyri drukkin (drekk ekki einu sinni) en hér er linkurinn ef einhver vill sjá þetta: Rosalega sorglegt video.. En endilega skoðið það..

http://www.mojoflix.com/Video/You-May-Never-Speed-Again-After-Seeing-This.html

Kotmótið var virkilega skemmtilegt :) Við fórum á mótið á fimmtudagskvöldi og náðum samkomunni þá um kvöldið, gistum svo í kofanum þá nótt þar sem enginn var kominn annar á landið hjá pabba og mömmu svo að við nýttum okkur aðstöðuna :) Vorum samt búin að tjalda upp tjaldvagninum.. höfðum það svo kósý bara og fórum á samkomurnar sem við komumst á.

Á laugardagskvöldið eða um kl 18 þá fórum við öll yfir til Gerðu og þar var ættargrillið árlega :):)

Það er svo skemmtilegt að hittast svona og grilla saman því að við erum að hittast alltof sjaldan!! Þetta eru s.s pabbi og systkini og afkomendur, allir sem vilja koma, koma :) Æði bara sko. Fórum í leiki og brölluðum ýmislegt saman, fengum svo rabarbaragraut sem Gerða bjó til, Hrefna amma gerði alltaf svona graut þegar pabbi og systkini hans voru börn svo að það er gaman að smakka hann og hafa hann svona árlega, skemmtileg hefð :) Enda mjööög góður grautur! Virkilega skemmtilegt kvöld :) Er strax farin að hlakka til að ári....

Við komum heim af Kotmótinu kl hálf 3 í nótt, við fórum á lofgjörðartónleikana í gærkveldi, mig langaði að eiga síðasta frídaginn heima og sofa út en í morgun þegar ég hlustaði á síðustu samkomuna á Lindinni þá hálf sá ég eftir því að hafa farið heim, missti t.d af því að syngja ævibrautina... geri þetta ekki aftur :) (það var nú samt ósköp notalegt að sofa út í morgun í sínu eigin rúmi :)

Ætla að setja inn nokkar myndir en ég tók samt voða fáar myndir þetta árið..

Svilarnir að tjalda :)

Sara Ísold, Petra Rut og Katrín Tara :)

Arna mega SKVÍSA :):):):):):)

Íris með Erling Elí í vagninum og Katrín Tara stendur á systkinapallinum :) ýkt sniðugt!!

Jæja ekki fleiri myndir í bili! Njótið vel

Eygló sem fer að vinna aftur á morgun :)

Home sweet home!

2007-07-30T13:15:00.000-07:00

Eins og það er nú gaman og æðislegt að ferðast þá er alltaf besti parturinn að koma heim :)

Við keyrðum frá Akureyri um kl 18 í gær og vorum komin í bæinn rétt yfir 23.. Lengur að keyra með tjaldvaginn aftan í.

Á sunnudaginn fórum við útá Dalvík og heimsóttum afa og ömmu hans Bjössa og mikið var það gaman, amma hans talaði mikið um hvað henni þótti vænt um að við kíktum og var gaman að heyra það, enda er það svona fastur punktur að heimsækja þau þegar við förum norður, allavega stefnan :) Þau voru hin hressustu og stoppuðum við hjá þeim í góðan hálftíma.

Ragnheiður og Beyji (Björn) afi og amma Bjössa :)

Bjössi niðrá bryggju, ef þið sjáið bátinn við hægri hönd Bjössa þá er það Særún bátur afa hans. Þeir fóru oft á þessum bát að veiða þegar Bjössi var lítill :) Gaman að skoða þetta allt saman :)

Norðlensk fegurð :) Tekið rétt fyrir utan Dalvík

Hittumst svo seinni partinn heima hjá Guðrúnu og Jóa og þar kom Gummi og Áslaug tengdamamma og drukkum við kaffi þar saman (ekki bókstaflega samt) eða átum kaffitímann.. Hehe...

Já það var gott og notalega að koma heim.. Ætlum að fara í Baggalútafjöruna í þessari viku, annars er bara að þvo þvott og skella sér svo á Kotmótið sem verður eflaust snilld. Við ætlum að gista á landinu hjá pabba og mömmu, einkar þægilegt og svo kostar það ekki neitt :) Hlakka til!

Svo bíður mín fuuullt af dóti til að sortera eftir háaloftsferðina miklu um daginn, en það verður bara gaman að finna gamalt dót, fann t.d eina bók sem mig langaði alltaf svo mikið til að finna, hún heitir Dísa í Dunhaga og ég veit ekki hvað ég las þessa bók oft, allavega mjöög oft, var uppáhaldsbókin mín og ég var svoo glöð að finna hana! Ýmsir gullmolar sem finnast þegar maður fer að gramsa í gamla dótinu sínu :)

Hafið það ofsa gott og knús á ykkur öll :)

Eygló - komin heim

Til hamingju Helga Maren mín og Ögmundur :)

2007-07-28T15:08:00.000-07:00

Helga Maren mín gullfalleg ásamt eiginmanni sínum Ögmundi :)

Þau nýbúin að fá yfir sig frjósemisduftið ;) (hrísgrjónin)

Verið að fjarlægja sokkabandið - no hands allowed :)

Varð að setja þessa inn líka af yndis syni þeirra sem sofnaði í athöfninni :)

Æðislegur dagur og takk fyrir okkur... Og enn og aftur TIL HAMINGJU!!!!!

Eyglóin

Flottastur!!!

2007-07-27T17:29:00.000-07:00

Flottastur ~ algjörlega :) Bjössi fór í veiðiferð í dag með pabba sínum og komu þeir heim með 8 flotta fiska :) Rosa flotta!!

Partur af aflanum :) Bjössi minn veiddi þenna stærsta ;) Ein svaka stolt sko!!

Þeir fóru að veiða í Fnjóská og tóku allan daginn í þetta :) Ekkert smá gott hjá þeim að drífa sig og hafa gaman svona saman!

Svona rétt í lokin ætla ég að setja inn myndina af þegar ég datt um risastein í Ásbyrgi, skipaði Bjössa að taka mynd og varð síðan brjáluð að hann væri ekki að hjálpa mér.. Fannst hann aðeins og lengi að taka myndina! Ógeðslega klikkuð!! Tek það fram að þetta er alvöru sársaukasvipur!! Gat varla staðið upp eftir byltuna.. Mér lá svo á að taka fallega útsýnismynd og labbaði aftur á bak beint á steininn með fyrrgreindum afleiðingum! Já lífið er skondið OG skemmtilegt :)

Njótið myndarinnar :)

*ÁI*

Eygló hrakfallabálkur ~á fullu að njóta lífsins~

Blá blóm ~ gul ......

2007-07-26T12:07:00.000-07:00

.....Sagði minn kæri maður þegar við vorum að labba í Ásbyrgi í gær og sáum þessi blóm.. Ekki bláklukka (held þetta sé bláklukka) og sóley ;) Ótrúlega krúttleg athugasemd um blómin :)

Við lögðum af stað í ferðalag á laugardag! Fyrsta stopp var í Svignaskarði þar sem við vorum í sumarbústað hjá Guðrúnu og Jóa og vorum þar fram á mánudag.. Ég prjónaði helling þar og kláraði hér um bil lopapeysuna sem ég var að prjóna, Bjössi og Jói fóru í golf á sunnuDEGINUM enda fór næstum allur dagurinn í það ;) Eða 6 og 1/2 klst.. En gott að þeir skemmtu sér vel! Við Guðrún fórum með krakkana og gáfum hestunum og það var rosalega skemmtilegt.. Flottir hestar svo framarlega sem þeir voru ekki að geispa mikið.. Ekki voða girnilegt að sjá upp í þá! Hehe

Keyrðum á mánudeginum norður á Akureyri og gistum heima hjá tengdapabba eina nótt, þáðum roosa góðan plokkfisk þar um kvöldið sem var mjöög góður :) Kíktum á Helgu Maren og Ögmund um kvöldið og var alveg rosalega skemmtilegt að hitta þau loksins... Gaman gaman

Á þriðjudaginn keyrðum við svo í Ásbyrgi og ætlunin var að útilegast smá :) Keyrðum gegnum Húsavík (auðvitað) og mikið rosalega er það fallegur bær :) Komum um kvöldmatarleytið í Ásbyrgi og sólin skein :) Grilluðum okkur hammara og höfðum það bara kósý og fórum snemma að sofa enda bæði e-ð voða lúin.. Daginn eftir eða í gær fórum við svo að skoða Hljóðakletta og þvílík náttúrufegurð! Ég hef aldrei farið þangað áður og skil ég ekkert í því!!! læt fylgja hér með nokkar myndir sem við tókum þar....Gríðarleg fegurð!!!Flott hvernig þetta raðast allt saman....

Bjössi við einhvern klettinnÉg að pósa ~ hehe

~Kirkjan ~

Hrikalega flott allt saman!! Hittum í þessari göngu Júlíönu fænku og Gumma mann hennar, fyndið að hittast á svona stað.. En gaman samt. Fórum svo um kvöldið inn í botn í Ásbygi og það er alveg efni í annað blogg og fær það að bíða betri tíma :) Búið að vera alveg meiriháttar skemmtilegt hjá okkur og verður það alveg pottétt áfram :) Förum í brúðkaupið til Helgu Maren og Ögmundi á laugardaginn og ég hlakka alveg rosalega til þess :)

Jæja hafið það rosalega gott og eigið góða helgi.. Planið er að koma heim á mánudaginn.

Bestu kveðjur frjá norðurlandinu :) Eygló, og Bjössi biður líka að heilsa.....

Prjónaskapur og fuglaskítur!!

2007-07-18T14:57:00.000-07:00

Yndislegt að vera í sumarfríi :) Við fórum í gær austur á Fit og gistum þar í nótt í tjaldvagninum okkar, ekkert smá kósý að vera þarna! Sólin skein aðeins í dag en vegna frjókornaofnæmis var ég mest inni, ég á tíma hjá lækni á morgun og fæ þá örugglega ofnæmislyf, alveg ómögulegt að vera svona! ! Ég sat inní tjaldvagni í dag og heyri svona hálfgerð bank í tjaldið, ofarlega, ég hélt að Bjössi væri nú eitthvað að stríða mér en nei nei, viti menn, dritaði bara ekki einhver ljótur fugl á tjaldvagninn minn flotta!! Oj bara, berjaskítur og þar með dökkfjólublár, ekki alveg það auðveldasta til að ná úr!!! En það má reyna með súper-10 ;)

Við komum svo í bæinn seinni partinn því að við vorum að fara að hitta familíuna mína í Hamrabergi og tæma háaloftið!!! Jeminn eini sko!!! Það tók nokkra klukkutíma BARA að tæma það og svo vorum við sortera og upplifa nostalgíuköst í beinni ;) Ég tók eitt svona kast og það var mikið hlegið!! Var þá að finna bansgsa sem ég hélt að væri lööngui glataður! Fann margt sem ég hélt að ég sæi aldrei aftur og var það mjööög skemmtilegt! Fann líka helling af handavinnu sem ég hafði byrjað á en ekki klárað, sumt mjög flott :) Spurning að klára það bara??

Ætlunin er að fara aftur austur á morgun, þegar ég hef fengið ofnæmislyf í hönd, og njóta lífsins fyrir austan :) Það er alveg einstaklega fallegt þarna og notalegt að vera, að ég tali nú ekki um eftir að pabbi og mamma komu sér upp kofa þar og klósetthúsi, við vorum svo sem ekki mikið þarna fyrir þann tíma að gista. Notó.is

Svo er ég byrjuð að prjóna lopapeysu :) mikið hrikalega er það skemmtilegt, ég var ALLTAF að prjóna hérna í denn en núna aldrei, svo er Arna að prjóna sér lopavesti og ég varð alveg sjúk í að fara að prjóna líka, peysan átti að vera á Bjössa en ég prjóna svo þétt og fast að hún mun ekki passa, en þá er þetta bara svona æfingapeysa, og prjóna svo aðra á elskuna mína ;)

Gaman gaman :) Við erum s.s að njóta þess í botn að vera í fríi, að gera það sem okkur langar til, þegar okkur langar til þess :)

Jæja ég er farin að prjóna.....

Eygló í nostalgíufíling ;)

Garg

2007-07-13T09:48:00.000-07:00

Komin í sumarfrí :) :) :) :) :) :) :) :) :) :) :) :) :) :) :)

1 dagur til stefnu :) :)

2007-07-12T13:16:00.000-07:00

Ég er aaaalveg að fara í sumarfrí! Vinn daginn á morgun, og er svo komin í 3ja vikna frí :)

Er búin að vera að drepast í hálsinum í viku, fór uppá læknavakt á laugardagskvöldið þar sem ég var ekki bara að drepast í hálsinum heldur tungunni líka, aldrei verið svona illt í tungunni! Veirusýking og ekkert hægt að gera.. Oh, bömmer sko. Eitt það versta sem ég veit er að fá slæma hálsbólgu og þessi var slæm.. Ég var heima mánudag til miðvikudags og drattaðist loksins í vinnunna í morgun, ennþá hálf slöpp þá.. En ég er öll samt að koma til....

Fórum áðan systurnar saman í Kringluna, löngu ákveðið :) Next útsalan byrjaði í dag og Íris sló öll sölumet, ég hjálpaði henni nú að velja smá og djókaði með það að ég væri á prósentum hjá Next og fengi borgað eftir því hvað hún keypti mikið! Haha.. Ýkt skemmtilegt að fara svona saman systurnar, eða það fannst mér sko! Keyptum okkur svo ís saman og það var nú ekki leiðinlegt ;)

Við Bjössi erum að fara með vinnunni hans Bjössa til Madrid eftir 3 mánuði í dag :) Förum 11.okt og komum heim 15.okt :) Ég hlakka alveg brjálæðislega mikið til og það verður pottþétt alveg rosalega skemmtilegt! Fyndið líka að fljúga út 11.okt því að við flugum út í brúðkaupsferðina okkar 9.okkar árinu áður! Hehe..

Jæja ég ætla að hætta þessu pári í bili :)

Njótið lífsins - það er svo sannarlega Guðs gjöf til okkar

Eygló sem er aalveg að fara í sumarfrí!!!!!!!

Ég bara trúi þessu ekki!!

2007-07-06T12:19:00.000-07:00

Það var sem í gær sem ég labbaði út úr vinnunni og bauð góða helgi!! Það getur varla verið að það sé kominn aftur föstudagur og komið að því að aftur að bjóða góða helgi!!!! Alveg ótrúlegt hvað tíminn flýgur!!!

Ég er búin að vera voða asnaleg þessa viku, og fékk hita í gær ofan í allt kvefið. Er nú að drepast í hálsinum líka og tungunni! Veit ekki hvað er í gangi!!

Pleh veit ekkert hvað ég ætti að segja ykkur!

5 vinnudagar eftir og þá er komið að 3ja vikna sumarfríi!!! Æði

Farið vel með ykkur og farið varlega um helgina :)

Eyglóin næstum því lasna... Hrmpf

35 stiga hiti á svölunum mínum :)

2007-07-02T13:37:00.000-07:00

Með eindæmum veðurblíðan sem hefur herjað á okkur síðustu daga :) Vona að þetta haldist sem lengst!! Við förum í sumarfrí eftir 2 vikur eða 13.júlí í 3 vikur og mikið hlakka ég til!!! Við ætlum að keyra bara e-ð um fallega landið okkar og njóta hvers dags til hins ítrasta! Verðum fyrir norðan á Akureyri í endan á júlí, Helga Maren og Ögmundur eru að fara að gifta sig og ég hlakka mjög svo til að sjá hana Helgu Maren mína ganga inn kirkjugólfið í fullum skrúða! Verður bara æðislegt! Við ætlum líka að heimsækja Guðrúnu og Jóa en þau verða í Svignaskarði í viku í júlí og við ætlum að fara þangað og eyða tíma með þeim og það verður líka mjöög gaman. Sumarfríið okkar verður alveg frábært :)

En helgin var líka alveg æðisleg! (allt rosa æðislegt ;) ) Það var fjölskylduútilega á Fitinni um helgina og voru nokkrir sem komu og gistu en svo komu næstum allir á laugardeginum nema Sirrý og Guðjón og þeirra var saknað! Það var alveg rosalega skemmtilegt að hittast svona öll og eyða tíma saman :)

Bjössi og pabbi að grilla :)

Ég, Hrund og Arna :)

Karlott, mamma og pabbi í heimsókn í tjaldvagninum okkar :)

"Ég er fegurðardrotting"

Hrund var eiginlega sigurverari í grettukeppni kvöldsins ;)

Íris með Erling Elí sæta :)3 kynslóðir, Hrund, mamma og amma :) Gellur allar sem ein

Snilldar helgi, fengum ekki mikla sól en það var samt alveg massa skemmtilegt!! Eigið alveg frábæra viku framundan :)

Eyglóin sólbrúna :)

Sól sól SKEIN á mig :)

2007-06-28T13:49:00.000-07:00

Yndislegt veður búið að vera! Ég tróð mér í útiveru með krökkunum á leikskólanum í dag og uppskar þennan fallega verðandi brúna lit :) Æðislegt, svo var verið að setja sólarvörn á börnin og finnandi lyktina af Nivea sólarvörninni og að loka augunum gat ég alveg ímyndað mér að ég væri á Mallorca, svo gott var veðrið og sólin skein svo skært :) Æðislegt bara!

Mér líkar mjög vel á leikskólanum, mjög fínar konur og stelpur að vinna þar og ég er öll að koma til, margt sem þarf að læra þegar byrjað er að vinna við eitthvað svona alveg nýtt fyrir manni! En þetta er gaman! Engin kvöldvinna og frí allar helgar!! Love it!

Er nú ein heima en ég var í smá verslunarleiðangri með Örnu og Hrund og Bjössi er að spila á samkomu. Þyrfti að fara að pakka niður en við erum að fara á Fitina um helgina með stórfjölskyldunni, mömmu megin, komið að hinni árlegu fjölskylduútilegu! Verður svo haldið þar upp á afmælið hennar Daníu Rutar sem er að verða 5 ára sæta pæjan :)

Svona í lokin, ég heyrði þetta lag fyrst sumarið 2004 og ákvað strax að þegar ég gifti mig þá yrði þetta lag sungið! Fallegasta lag í heimi! Heitir "When God made you" með Natali Grant og Newsong :)

Bara verðið að hlusta:

http://www.youtube.com/watch?v=DyPgHjICcsU

Eyglóin sólbrúna ;) ;)

24.júní 2006 :)

2007-06-24T06:24:00.000-07:00

Nýtrúlofuð :)

Komið ár síðan við sátum í Lystigarðinum á Akureyri við fallegan gosbrunn og settum upp hringana :) Skríktum úr hamingju og erum enn hamingjusamari í dag :)

Gærdagurinn var undirlagður af bakstri og tiltekt, eigum von á nokkrum hingað heim í afmæliskaffi því Bjössi er nýbúinn að fylla árið! Mér finnst alveg einstaklega gaman að baka og er bara nokkuð góð í því þó ég segi sjálf frá ;)

Anna Sigga og Friðjón gistu hér í nótt, þau voru að koma heim frá Rhodos og vantaði gistingu og auðvitað var það auðsótt mál :) Mér finnst alltaf svo gaman að hitta þau enda með eindæmum skemmtileg bæði tvö :) Anna Sigga komin með sæta kúlu þetta yndi og ég hlakka mikið til að sjá krílið þeirra sem kemur í nóvember :)

Jæja ég ætla að fara að henda í tvo heita rétti ;) Langaði bara aðeins að skrifa í tilefni dagsins :)

Njótið lífsins - Það er Guðs gjöf :)

Bjössi 33 ára :)

2007-06-22T15:42:00.000-07:00

Við hjónin :)

Bjössi minn á afmæli í dag, orðinn 33 ára :) Æðislega mikið til hamingju með daginn elskan mín :) Hlakka til að fara að veiða með þér með þér í sumar, með veiðistönginni sem þú fékkst í afmælisgjöf :)

Elska þig milljón mikið og MIKLU meira en það ;-*

Við eigum svo árs trúlofunarafmæli á sunnudaginn og þetta síðasta ár er búið að vera alveg æðislegt :) Búin að bralla ýmislegt, giftum okkur í október, fórum í æðislega brúðkaupsferð eins og næstum allir vita, keyptum okkur svo tjaldvagn um daginn sem við erum búin að vígja, erum líka búin að gera hér um bil allt í íbúðinni sem við ætlum að gera og gætum ekki verið ánægðari saman :) Yndis líf!

Eigið alveg frábæra helgi elsku vinir

Eyglóin yfir sig hamingjusama :)

Til hamingju með daginn :)

2007-06-17T12:02:00.000-07:00

17.júní :)

Ég fór með Bjössa niðrí miðbæ í dag og verð ég að segja að mér fannst það stórskemmtilegt. Veit ekki hvað það eru mörg ár síðan ég fór í bæinn á 17.júní :) Þegar við vorum að labba inn í Hljómskálagarðinn þá hugsaði ég með mér að ég hlyti að hitta Sirrý frænku, fannst það bara einhvern veginn!! Nema hvað, vorum búin að labba aðeins um og vorum að skoða fornbílana þegar ég kem auga á Sirrý með Guðjóni og yngstu 2 strákunum :) Alltaf gaman að hitta þau. Fengum okkur svo ís á leiðinni heim og svo eldaði ég alveg ekta gamaldags íslenskan mat í kvöldmatinn, bjúgur með uppstúf, kartöflum og grænum baunum.. Mmm rosalega gott!

Í gær var svona ættargrill í Skorradal en langafi minn, pabbi afa, hefði orðið 100 ára á þann 19. svo að það var öllum smalað saman og það var mjög skemmtilegt! Það var ekki mikill fyrirvari svo að ekki komust allir en ég hafði samt gaman af :)

Hittum svo 2 vinnufélaga Bjössa á tjaldsvæðinu í Skorradal og það er mjög skemmtilegur staður til að tjalda og mjög snyrtileg aðstaða þar :)

Keyrðum Hvalfjörðinn heim og þvílík fegurð, það munaði ekki nema 18 km að keyra heim, göngin eða fjörðinn og við völdum að keyra fjörðinn og sáum ekki eftir því, virkilega fallegt að keyra hann. fyrir utan þessi hræðilegu rafmagnslínumastur eða hvað þetta heitir, finnst þetta alltaf svo óhugnalegt!! Get lítið að því gert!

Eigið alveg frábæra vinnuviku framundan :)

BTW þessi bloggfærsla er nr 100 á þessu bloggi!!!!!!!!!

Nokkur góð mismæli!

2007-06-14T14:46:00.000-07:00

~Það er ekki hundur í hettunni~ (það er ekki hundrað í hættunni)

~Það er ljóst hver ríður rækjum hér~ (það er ljóst hver ræður ríkjum hér)

~Þetta er ekki upp í kött á nesi~ (..ekki upp í nös á ketti)

~Mér er nú ekkert að landbúnaði~

~Allt fór afsíðis sem gat farið afsíðis~

~Þessi peysa er mjög lauslát~

~Þau eiga þvílíka myllu, lifa eins og greifingjar og leika á alls eggi~

~Hann sló tvær flugur í sama höfuð~

~...þarna hefði ég sko viljað vera dauð fluga á vegg...~

~Ég sá svo sætan strák að ég fór alveg framhjá mér..~

~Ég var svo þreyttur að ég henti mér undir rúm~ (*grenj* úr hlátri)

~Hann sat bara eftir með súrt eplið~

~Og nú, góðir farþegar, er einmitt fengitími melóna~

~Ég hreinlega vissi ekki í hvorn fótinn ég að setjast~

~Þar stóð hundurinn í kúnni..~ (þar lá hundurinn grafinn.. Þar stóð hnífurinn í kúnni.)

~Maður fer í bæinn til að sjá sig og sýna aðra~

~Svo handflettir maður rjúpurnar~

Já, fólk núorðið er svo loðið milli lappanna~ (loðið um lófana)

Bahahahahahahahahahahah!!!

Wisteria Lane

2007-06-12T10:40:00.000-07:00

Kominn tími til að blogga er það ekki bara??

Ég er búin að vera inni síðustu 3 daga vegna veikinda, huundleiðinlegt! Fékk þessa risahálsbólgu og höfuðverk, beinverki og hita! Skemmtilegt? Hehe.. Ég hef reyndar haft það eins gott og mögulegt er, Bjössi er búinn að dekra mig út í eitt og sjá svo vel um mig, hann þurfti nokkrum sinnum að styðja mig því mig svimaði svo, EN ég er öll að koma til, verð heima á morgun og svo í vinnu á fimmtudaginn, ömurlegt að vera nýbyrjuð í nýrri vinnu og veikjast svona, en lítið við því hægt að gera!

Við fórum austur til pabba og mömmu á laugardaginn, okkur finnst það báðum rosalega kósý og notalegt að koma þangað :) Eyddum deginum þar og keyrðum ekki heim fyrr en rétt eftir miðnætti! Mamma bakaði pönnsur í kaffinu og mmm hún er alger snillingur í því :) Svo um kvöldmatarleytið þá bjó mamma til pizzur með smá hjálp okkar systranna við að setja sósuna á og strá ostinum yfir :) ég verð að segja að ég smakkaði bestu pizzu sem ég hef á ævinni minni smakkað þá um kvöldið!! Mamma gerði svooooo ótrúlega góða sjávarréttapizzu með rækjum, þistilhjörtum og marineruðum hvítlauk og einhverju fleiru góðu :) Jammí sko, hún var svooo góð :) Takk fyrir mig milljón x! Seinna um kvöldið töltum við Bjössi og Arna og Hrund út á Shell og keyptum shake handa okkur öllum og pabba og mömmu, sátum svo útá palli undir svona verandarhitara og spjölluðum um allt og ekkert og æfðum tungu-listir, hver gat snúið sinni og snert nefið með tungunni :) Hehe, skemmtum okkur stórvel :)

Ég er búin að vera að horfa á Desperate Housewifes seríu númer 1 og kláraði hana á 3 dögum :) Svo fæ ég seríu 2 hjá mömmu á morgun og ég get ekki beðið eftir að horfa á fleiri þætti!! Ekkert smávegis skemmtilegir og spennandi þættir, hafði aldrei séð einn einasta þátt fyrr!

Jæja hætt að blaðra hér, orðið alltof langt!

Hafið það stórgott vinir ;)

Eyglóin

~Wisteria Lane~

oh, get ekki beðið!!!!!!!

Litli dúlli :)

2007-06-06T15:59:00.000-07:00

Erling Elí sefur vært í vöggunni sinni :) Algjört bjútí ;)

Íris stolta mamma með litla sæta prinsinn :)

Fórum í smá heimsókn til Írisar og Karlotts, alltaf svo gaman að hitta þau :) Ég og Íris horfðum saman á Americas Next Top Model ;) Skemmtilegur þáttur, allavega skemmtum við okkur vel :)

Jæja langaði bara að henda inn þessum sætu myndum :)

Ykkar Eygló

Erling Elí Karlottsson :)

2007-06-04T12:27:00.000-07:00

Íris og Karlott með Erling Elí og Petru Rut :)

Ég eignaðist minn fyrsta systurson í gær kl 17:52 :)

Ég æpti næstum úr gleði þegar Íris hringdi í mig og tilkynnti mér að prinsinn væri kominn í heiminn :) hún plataði mig nú fyrst með því að segja mér að hún hefði verið send heim af fæðingardeildinni! En svo var hún bara að grínast þessi elska og og leiðrétti djókið!! Gleði gleði :) 10. afkomandi pabba og mömmu og fyrsti strákurinn sem er nú frétt til næsta bæjar! Hann fékk nafnið Erling Elí og verð ég að segja að það kom mér ekki mikið á óvart því ég hafði giskað á að pabbi fengi nafna en gat auðvitað ekki verið viss :) Æðislegt nafn og gaman fyrir pabba að fá nafna :) Erling Elí var 17 merkur og 54 cm, mér fannst hann samt ekki svona stór heldur agnarsmár :) Og svoo fallegur og yndislegur! AhhPabbi og mamma stolt með nýjasta barnabarnið og Petru Rut :)

Íris, Karlott, Petra Rut og Katrín Tara :

Æðislega mikið til hamingju með gullfallega Erling Elí :)

Bestu kveðjur Eygló :):)

Sorglegt :(

2007-05-31T04:05:00.000-07:00

Augu mín fylltust tárum þegar ég las í gær að Ásta Lovísa væri látin!
Hún hafði barist hetjulega við þennan illvíga sjúkdóm, krabbameinið, en látið í minni pokann. Hún kenndi manni alveg rosalega margt, hún var alltaf svo jákvæð á blogginu sínu og fékk mann til að meta lífið enn meira, maður er alltof mikið að kvarta yfir smámunum en maður á að njóta hvers dags sem Guð gefur okkur, því að við vitum aldrei hvað morgundagurinn ber í skauti sér! Hún greindist víst bara síðasta sumar svo að þetta er ekki lengi að gerast! Þrítug, falleg, ung kona í blóma lífsins, við getum ekki skilið þetta! Ég þekkti hana ekki neitt en hafði fylgst með blogginu hennar í smá tíma og baráttuviljinn var aðdáunarverður!

Ég samhryggist öllum aðstandendum og bið Guð að vera með ykkur.

Kveðja Eygló Erlingsdóttir

Fyrsta útilega sumarsins :)

2007-05-28T04:25:00.000-07:00

Komin á Fitina :) Vorum komin þangað um 20 á föstudagskvöldið, vorum alveg himinsæl með nýja tjaldvagninn okkar og svoo spennt að fara að tjalda honum! Það tókst nú alveg svona vel hjá okkur, enda er þetta Camp-Let og þeir eru auðveldastir í uppsetningu :) Jiminn ég sveif á bleiku skýi þegar við höfðum tjaldað honum, útilegulyktin alveg himnesk og allt svo fullkomið! Væmið, ég veit. Hehe!

Ég við tjaldvaginn :) Hrikalega ánægð með hann!

Bjössi að grilla :) já það var smá kalt ;)

Þetta var alveg einstaklega skemmtileg útilega! Við höfðum það bara kósý og spiluðum rommí, spiluðum yatzy og fórum í göngutúra um Föðurland :) Rosalega skemmtilegt að labba þarna um og hjá tjörninni sem pabbi gerði um árið!

Tjörnin :) og það er brú yfir til að fara á eyna inn í tjörninni :)

Á sunnudeginum komu svo allir úr fjölskyldunni minni á Fitina og það var stórskemmtilegt! Spjölluðum um allt og ekkert, fórum í labbitúr til að kíkja á hreiður sem pabbi hafði fundið, grilluðum og nutum félagskaps hvors annars!

Mamma og Hrund í tjaldvagninum :)

Pabbi með Petru Rut og Daníu Rut á leið að skoða hreiðrið :)

Sæææætar ;)

Skemmtileg helgi að baki, við ætlum að vera alveg hrikalega dugleg að ferðast í sumar :) Erum bæði í fríi allar helgar í sumar svo að það er lítið mál að versla í matinn og hendast af stað, love it!! ekkert smá skemmtilegt!

Ég ætla að láta þetta nægja, svona hálfgert myndablogg hjá mér en það er bara flott!

Njótið vel :)

Eygló

Arna...

2007-05-24T09:05:00.000-07:00

...kemur heim í kvöld :) Fjúff... hefði aldrei trúað því hvað það er mikil vinna að vera með 3 börn! En fyrr má nú vera sko! Búin að vera með stelpurnar hennar Örnu síðan á mánudaginn og er alveg uppgefin, verð ég að játa, á auðvitað ekki börn sjálf og vön að hafa nægan tíma til að gera allt sem ég þarf og langar til! Ég veit að nú brosa allar mæður út í eitt og skilja alveg hvað ég er að fara :) Ég er allavega búin að fá smá forsmekk af því hvernig er að eiga börn! Hehe!!

Þannig að ég hlakka til að fá Örnu heim á margan hátt, verður alveg æðislegt að sjá hana og allt sem hún hefur verslað og skoða myndir og svona ;) og svo sé ég orðið rúmið mitt alveg í hyllingum! Munar um 120 cm eða 193!!!! Þannig að það verður fínt að vera búin að passa! Búið að vera mjög lærdómsríkt og skemmtilegt í senn! Hehe

Er búin að reyna að setja inn myndir hér með en það tekst ekki hjá mér. Hrmpf... Ég þoli þetta ekki!!!

Jæja ég ætla að fara og finna e-ð skemmtilegt f stelpurnar að gera, svo er pizzupartý í kvöld með þeim, síðasta kvöldið sem við pössum þær..

Hafið það gott :)

1.árs :)

2007-05-22T09:23:00.000-07:00

Jújú mikið rétt, við Bjössi áttum eins árs afmæli í gær :) Hehe, búin að vera gift í 7&1/2 mánuð og saman í 1 ár :) Snilldin ein! Minn maður mætti heim í hádeginu með 3 rauðar rósir og það vita allir hvað þær þýða ;) Svo sætt af honum, ég var ekki einu sinni viss um að hann myndi muna daginn en ekkert smá gaman að hann mundi eftir því :)

En ég er alveg rosalega mikið upptekin þessa dagana og verð það fram á fimmtudagskvöld, já ég er að passa fyrir Örnu dætur hennar 3, verð nú alveg að viðurkenna að ég gerði mér engan veginn grein fyrir því hvað það er mikil vinna að vera með 3 börn! Fjúff segi ég nú bara, vakna kl 7 til að klæða, skipta á bleyju, klæða í útiföt og greiða hár, festa þær allar í bílinn og fara með þær á leikskólann, og svo sækja þær og hafa ofan af fyrir þeim, hehe, nú hlæja allar mæður og finnst þetta ekkert mál, en maður venst þessu örugglega betur svona hægt og rólega heldur en svona allt í einu!! En þetta er ekkert annað en ágætis æfing ;) Arna er í Danmörku með pabba, mömmu og Hrund og þau eru búin að eiga alveg frábæra ferð, ég samgleðst þeim líka alveg í klessu að vera þarna úti :) Verður gaman að fá þau heim og skoða það sem þau kaupa og skoða líka myndir og svona:)

Jæja :) Guðrún og Jói og börn komu til okkar í mat á sunnudaginn og það var mjög gaman að fá þau í heimsókn, við Bjössi ætlum svo að passa aðeins fyrir þau á föstudaginn og fara svo í útileguna sem ég tel dagana niður í ;) 3 dagar, get varla beðið, svo er Bjössi búinn að fá frí í vinnunni á föstudaginn svo að við getum örugglega farið seinni partinn :) Hlakka alveg brjálað til!!!

Er hætt í bili! Þórey Erla er alveg óð að reyna að komast í tölvuna..

Gullkorn gærdagsins : Ég var að segja stelpunum að Bjössi myndi koma á eftir (vorum heima hjá Örnu) þá heyrist í Söru Ísold: "ég elska Bjössa - minn" :) hann er vinur minn kom svo á eftir!

Svo áðan voru stelpurnar aðeins að rífast í bílnum og ég segi þeim að hætta annars verði Eygló frænka bara reið, þá heyrðist í Daníu Rut, neeh, Eygló get ekki verið reið!! ýkt sætt!

Hætt í bili!

Ykkar Eygló :) barnapía, tjaldvagnaeigandi og fleira ;)

Kósý dagur :)

2007-05-19T17:20:00.000-07:00

Dagurinn í dag var bara þægilegur :) Við dröttuðumst á lappir um hálf 11 og ég fór í búðina og keypti "brunch" handa okkur, geggjað notalegt! Fórum svo í smá bæjarleiðangur og keyptum til dæmis ramma fyrir brúðarmyndina okkar! Vorum að panta myndina sem var innifalin í myndatökunni og pöntuðum eina aðra auka til að hafa inn í svefnherberginu :) Kemur ekkert smá vel út :)

Grilluðum okkur svo lambakjöt í kvöld og höfðum það kósý, skelltum okkur svo í Húsasmiðjuna en við erum að mála baðherbergið og skipta út rörahandklæðastatífunum og því öllu, frekar ljótt það sem var og við völdum líka voða ljósan en fallegan lit á baðið. Þetta verður svooo flott þegar við verðum búin!

Bleh, hef lítið meira að segja, þetta var svo sem ekki merkilegt en samt svona pínu fréttz!!

Svo er bara fyrsta útilegan eftir 6 daga!! Ætlum að fara og vígja tjaldvagninn næstu helgi og ég hlakka SVOOOO til að fara að gera hann kósý og raða inní hann öllu útilegudótinu sem við eigum!

Eigið æðislegan sunnudag á morgun elskurnar :)

Eyglóin

Íííííhhhaaaaaaaaaaaaaa ;)

2007-05-13T14:26:00.000-07:00

Skemmtileg helgi að baki :)

Í gær var nú bara kósý dagur, Bjössi keypti gasgrill á föstudaginn, alveg hrikalega flott og auðvitað keypti hann St.Erling grill eða STERLING.. Bara til að heiðra tengdapabba! Hehe

Við vígðum grillið í hádeginu með því að grilla okkur pulsur! (skrifa bara pulsur til að gleðja Akureyringa) þrifum svo aðeins íbúðina en við áttum von á fullu húsi af matargestum :) eða allavega hálfu húsi! Nýja borðstofusettið okkar, sem við erum nýbúin að kaupa, frá 1971 og svoo flott, úr tekki, nýttist vel, Gústi og Anna Valdís komu ásamt Rebekku Rós og svo kom Arna með sínar dætur og Hrund :) Við grilluðum og skemmtum okkur svo konunglega yfir Eurovision :) verð nú samt að segja að ég held að Malta hafi mjög spes tónlistarsmekk þar sem þeir gáfu Englandi 12 stig!! Ég var sannfærð að þeir færu stigalausir úr keppninni en svo fór ekki alveg! Var annars bara ánægð með lagið sem vann, fannst það flott :) Hrund var ekki á sama máli og vildi heitt að Úkraína ynni.. Hehe

Ég líka kaus í fyrsta skipti á ævinni í gær.. hehe, það er örugglega ekki til ópólitískari manneskja á Íslandi!!! Hef bara engan áhuga á pólitík!! Lái mér hver sem vill! múahahaha

Skruppum austur í dag og keyptum okkur eitt stykki tjaldvagn :) :) :) :) :) :) :) :) Gleði gleði gleði! Þetta er Comp Let vagn frá 1988, vel með farinn og sætur, ætlum að fara í fyrstu útileguna um hvítasunnuhelgina og prófa herlegheitin! Jiminn hvað ég er hamingjusöm með þetta allt saman! Búið að langa í tjaldvagn lengi!!!! Svo að gleði mín er mikil, enda fátt skemmtilegra en að fara í útilegur og ferðast um landið okkar fagra ;) fórum auðvitað líka til pabba og mömmu en það er alltaf svo gott að koma þangað ;) Alltaf svo vel tekið á móti manni! Lov it!

Vorum svo að enda helgina á að grilla hamborgara og Hrund er hjá okkur og ætlar að gista, enda próf í gangi.. Jæja ætla að fara að hætta þessu blaðri!

Eygló tjaldvagnaeigandi með meiru ;)

Aaaahh

2007-05-06T07:44:00.000-07:00

Ég er SVO hamingjusöm :)

Eigið góða viku framundan elskurnar...

Ykkar Eygló

Grasekkja!!

2007-05-02T15:32:00.000-07:00

Kominn tími á smávegis blogg, er það ekki bara???

Helgin var alveg stórfín.. Á laugardaginn fór ég með Örnu á vorhátíð á leikskólann þeirra Daníu Rutar og Söru Ísoldar, það var mjög gaman að skoða verkin þeirra og þær svo glaðar að fá að sýna okkur allt :) fórum í bakarí eftir hátíðina og bauð svo Örnu og dætrum í heimsókn. Ekkert smá skemmtilegt, það teygðist nú aðeins úr heimsókninni, Bjössi fór að keyra kl 13 svo að við Arna ákváðum að fara út á róló með Daníu Rut og Söru Ísold og láta Þórey Erlu sofa í vagninum á meðan, það var stórskemmtilegt, og kallaði fram margar minningar, eins og t.d þegar við Arna strukum af róló og sögðum mömmu að honum hefði skyndilega verið lokað.. hehe, við komumst nú ekki upp með það! Um kvöldið höfðum við hjónin það svo kósý og leigðum okkur hina stórgóðu DÉJAVU :) Brjálað góð sko :)

Á sunnudeginum var okkur öllum systrunum og okkar fólki og svo afa og ömmu boðið í mat til pabba og mömmu :) Það var æðislegt, og svoo skemmtilegur félagsskapur! Fengum líka rosalega góðan mat, ekki það að það komi neinum á óvart, en pabbi grillaði svínakjöt og pylsur, og mamma eldaði kjúkling og meððí :) Mmmm

Bjössi fór svo á sjóinn á mánudaginn, það kom fljótt til, en hann verður í viku sem er ekkert svo langur tími, en samt sakna ég hans mikið :) Verður bara ennþá skemmtilegra að hitta gullið mitt á mánudaginn næsta! Verst er að hann er ekki í símasambandi og hef ég því ekkert heyrt í honum síðan á mánudag... Vona bara að hann hafi það rosalega gott!

Það var mæðrablessun fyrir Írisi sætu á mánudagskvöldinu.. Það komu 15 konur, og svo var ég nú á staðnum (skrýtið, þetta var haldið heima hjá mér) svo að við vorum 16.. Skemmtilegt kvöld og Íris fékk fullt af pökkum, flestir með bláu í svo að það er eins gott að það verði strákur! Sem það er næstum pottþétt :)

Tengdamamma kom suður til mín í gær, erindið var að fara til augnlæknis. Við erum búnar að bralla ýmislegt saman og hafa það gott, hún er útskrifuð frá augnlækninum sem eru alveg frábærar fréttir fyrir hana :) og okkur auðvitað!

Well... Ég er ótrúlega sybbin enda búin að vera á þvilíku flandri í dag!
Segi því góða nótt og njótið lífsins :)

Ykkar Eygló

P.s gerði eitt GEÐVEIKT í dag sem ég segi frá seinna!! Hehehehehehehe

Nóatúnssagan mikla!

2007-04-26T01:32:00.000-07:00

Það var þann 11.apríl síðastliðinn að ég mætti til vinnu kl 14. á seinnipartsvakt og ég bara í glimrandi góðu skapi. Þetta var miðvikudagur eftir páska og ég hafði verið í fríi daginn áður.

Verslunarstjórinn (nýráðinn og búinn að vera í vinnu í mánuð) kallaði á mig inn á skrifstofu til sín og tjáði mér það að hann væri ekki nógu ánægður með mig. Hann gat lítið rökstutt þetta mat sitt en tjáði mér að hann væri þegar búinn að ráða nýjan vaktstjóra í minn stað og ég ætti að byrja næsta mánudag að sjá um heimsendingar í búðinni. Mér brá nú töluvert því að ég vissi ekki betur en að ég hafi stundað mína vinnu vel og staðið mig vel. Jæja ég var nú í svolitlu uppnámi en sagðist ætla að skoða þetta, mér leist auðvitað ekkert á þetta.

Mér fannst nú að þeir hefðu getað sýnt þann manndóm að boða mig í viðtal og gefa mér tækifæri á að bæta það sem þeir voru ósáttir við í stað þess að ráða einhvern inn í mitt starf án þess að ég hefði nokkuð um það að segja! Rosalega skrýtin vinnubrögð!

Langaði fyrst að gráta en sleppti því. Ég spurði hann svo svolitlu síðar hvort þeir mættu gera þetta. Hann sagði já svo ég spurði aftur hvort þeir væru með lögin á bakvið sig, hann tjáði mér að svo væri. Ég sagðist nú samt ætla að láta kanna það fyrir mig! (Heppin ég að pabbi er lögfræðingur) pabbi sat svo yfir þessu um kvöldið og fann m.a dóm sem hafði fallið fyrir héraðsdómi fyrir nokkrum árum. það mál var alveg eins og mitt nema um var að ræða konu sem var verslunarstjóri og eigandinn færði hana svona fyrirvaralaust niður í starfi. Hún gekk út, kærði og vann málið. Þeir urðu að borga henni 3ja mánaða uppsagnarfrestinn!

Ég leit á þetta sem fyrirvaralausa uppsögn þessa tilfærslu á starfi mínu og var í fullum rétti til að ganga út og krefjast launa í 3 mánuði. Sem ég og gerði. Pabbi fór með mál mitt daginn eftir í næstæðsta mann Kaupáss (man því miður ekki nafnið) og þeim fannst þetta skrýtin vinnubrögð verslunarstjórans. Fljótlega hringdi rekstrastjórinn í mig og dró allt til baka og bað mig að koma aftur til vinnu. Hann sagði mér einnig að þetta yrði dregið tilbaka skriflega, ég mátti meira að segja velja mér búð! En ég hafði engan áhuga á að fara aftur að vinna fyrir þá og hafnaði því alfarið að vinna aftur hjá þeim. Þetta var brot á ráðningarsamningi! Algjört! Fyrir utan niðurlæginguna og mannorðshnekkir. Hefði aldrei farið að vinna aftur fyrir verslunarstjórann sem kom svona fram.

Pabbi skrifaði fyrir mig lögfræðibréf til rekstrarstjórans þar sem hann hafnaði því að ég kæmi aftur til vinnu og krafðist launa í 3 mánuði. Þeir sögðust nú bara aldrei gera svoleiðis, þ.e að borga uppsagnarfrestinn. Ég krafðist þess nú samt og pabbi gerði þeim það alveg ljóst að ef þeir myndu neita að borga að þá færum við bara með málið áfram. Þetta var 12.apríl.

Ég fór þennan sama fimmtudag með lyklana upp í vinnu og kvaddi fólkið, það var svooo skrýtin tilfinning, yfirleitt þegar maður hættir í vinnu þá hefur maður nægan tíma til að kveðja og segja öllum (sem það á við) að það hafi verið gaman að vinna með þér, o.s.frv! Ég talaði við 3 manneskjur og hefði viljað ná af fleirum en það verður bara að hafa það!

Í fyrradag fékk ég svo ábyrgðarbréf sent frá rekstrarstjóra Nóatúns þar sem hann tjáir mér að þeir muni borga mér apríl laun og 3ja mánaða uppsagnarfrestinn!!! (Það sem þeir gera sko aldrei!!) Algjör sigur fyrir mig!! Ég er bara búin að vera að njóta lífsins síðan þetta gerðist en er að sækja um vinnur og fer að vinna mjög fljótlega :)

Pabbi - takk KÆRLEGA fyrir alla hjálpina!! Algjörlega ómetanleg :) Þú ert besti pabbi í öllum heiminum :) Heppin ég ;) TAKK TAKK TAKK

Ég gæti sagt svo miklu meira um þetta leiðindamál en læt staðar numið hér! Ég er nú yfirleitt ljúf og góð en ég læt ekki vaða svona harkalega yfir mig! Takk fyrir..

Eyglóin – í SIGURVÍMU

:)

2007-04-19T03:23:00.000-07:00

Gleðilegt sumar elsku lesendur! Njótið dagsins alveg í botn!!

Snilld!

2007-04-18T13:02:00.000-07:00

Á sléttlendi heldur þúfan að hún sé fjall!!

Sumarbústaðaferðin :)

2007-04-15T13:46:00.000-07:00

Fórum af stað í bústaðinn á föstudaginn kl 16 :) Æðislegt að ná að leggja svona snemma af stað en Bjössi var búinn eilítið fyrr í vinnunni svo að við fórum bara eins fljótt og auðið var ;)

Komum við hjá pabba og mömmu til að fá regngalla lánaða því að veðurspáin spáði mikilli rigningu :) Sem reyndist svo sannspá!! ...

Vorum svo komin rúmlega 18 í bústaðinn og var hann svona líka kósý, svokallaður A-bústaður eða eins og tjald í laginu, gamall en rosalega notalegur :) Leigðum hann hjá vélstjórafélaginu.. allt mjög fínt þarna! Elduðum okkur urrriðann sem Bjössi veiddi um daginn og tókst það alveg ljómandi vel.. Grillið var gaslaust svo að við gátum ekki grillað hann en við grilluðum hann því í ofninum, riiisagóður, hvítlauks og steinselju kryddaður, slúrp! Fórum svo í pottinn um kvöldið og það var ekkert smá notalegt! Og ég gerði mér lítið fyrir og synti mitt eina bringusundtak yfir á hinn bakkann.. (sbr síðustu færslu) hehe... En það var kósý að vera í pottinum.. Spiluðum svo yatzy og rommí til skiptis og skemmtum okkur stórvel :)

Á laugardeginum var sofið til ca 10.. Hefði svo sem alveg getað sofið lengur en bakið mitt neitaði, enda ekki alveg bestu dýnurnar þarna :/ Við fórum aðeins í Minni-Borg til að fá nýjan gaskút og svo skutumst við á Selfoss og fórum aðeins í Bónus, komum svo AFTUR við hjá pabba og mömmu og fengum lánuð fleiri handklæði því að þessi 2 sem við tókum með voru ekki lengi að rennblotna eftir pottarferðina.. Fórum svo aftur í bústaðinn og klæddum okkur vel til að fara út að labba og skoða umhverfið! Það var fínt, ég var í brjáluðum regnstakk af Hrund en ekki rigndi dropi meðan við vorum úti en það var þó gott að vera tilbúin fyrir rigninguna :) Skelltum okkur aftur í pottinn áður en við ætluðum að grilla svínakótiletturnar :) Það var voðakósý nema hann var ALLTOF heitur fyrst og tók svolítinn tíma að kæla hann niður... Grilluðum svo um kvöldið og höfðum það kósý saman og fórum svo í 3ja og síðasta skiptið í pottinn :)

Svaf til 9 í morgun, var orðið alveg vel illt í bakinu og gat því ekki sofið lengur.. fór því niður og fékk mér að borða, fljótlega heyrði ég umgang uppi og var þá Bjössi að koma á fætur :) Mér til mikillar ánægju! Lögðum okkur svo aftur og fórum svo að taka saman um hádegið.. Vorum farin kl 13:30! Keyrðum Þingvallaleiðina heim og var það mjöög skemmtilegt! Kíktum á Almannagjá og vá flott sko, einn hafði hent debetkortinu sínu þar ofan í og fannst okkur það frekar skondið! En gaman að koma þarna :)

Enduðum svo helgina á að grilla hérna heima (home sweet home) með Örnu og Hrund.. Gaman það :) Er samt e-ð voða lúin og fer örugglega snemma að sofa..

Eigið góða vinnuviku elskurnar og mín vika verður örugglega góð :)

Ykkar Eygló sem hlakkar til að fara í næsta ferðalag :) Svo gaman!

Sumarbústaður :)

2007-04-12T12:00:00.000-07:00

Jibbý jei sko :)

Við hjónin erum að fara í sumarbústaðarferð um helgina ;) :) Mikið svakalega hlakka ég til! Ætluðum að fara í febrúar en þá fékk Bjössi flensuna svo að það frestaðist um sinn! Ákváðum svo eftir páskahelgina þar sem ég átti nú þá vinnuhelgi að skella okkur í smá "slappa af ferð"! Fengum bústað leigðan hjá vélstjórafélaginu og förum beint eftir vinnu hjá Bjössa á morgun, ég ætla að pakka niður í kvöld og klára svo á morgun að gera okkur alveg klár :) alltaf gaman að fara í smá svona ferðalög :) We love it!

Ætlum að grilla urriðann sem Bjössi veiddi annað kvöld og svo svínakótilettur laugardagskvöldið :) Fórum í Bónus áðan og versluðum inn svo að okkur ætti ekki að væsa um neitt :) Og svo er nú heitur pottur á veröndinni og það verður notalegt að stinga sér í hann (eða bara setjast og synda svo eitt bringusundstak yfir) Hehe ;) Þetta verður allavega mjög notaleg ferð og ég hlakka mikið til :)

Jæja ætla að fara að þurrka af og ryksuga :) Með tónlist á "fullu" ekki má nú alveg æra nágrannana enda er það ekki beint líkt mér ;)

Verið margblessuð og Eygló hin margblessaða og hamingjusama kveður í bili ;)

Eitt í lokin:

"Sá sem er seinn til reiði, er betri en kappi, og sá sem stjórnar geði sínu, er meiri en sá sem vinnur borgir." Orðskv. 16:32

Páskar og fleira :)

2007-04-10T07:11:00.000-07:00

Óendanlega flotta páskaeggið sem ég bjó til sjálf handa Bjössa mínum :) Það var svo stórt að við borðuðum það svo saman :) Þvílíkt gaman að gera svona sjálf!!!

Páskarnir voru alveg æðislegir, en eins og venja er þá var ég auðvita að vinna þá daga sem ekki bar lokað, ég er bara svo heppin að eiga alltaf vinnuhelgi þegar hátíðir eru! EN, það má samt gera gott úr þeim dögum sem ég var í fríi. Við kíktum á samkomu á föstudaginn langa og var hún bara mjög góð :) Þegar heim var komið elduðum við hamborgarhrygg, ég fékk hann í jólagjöf frá vinnunni og var kominn tími til að elda hann. við áttum svo hálfs árs brúðkaupsafmæli daginn eftir svo að þetta var tilvalið svona "til að halda uppá það matur" matargerðin heppnaðist mjöööög vel, viðhöfum aldrei eldað svona "jólamat" áður og tókst það ótrúlega vel miðað við það! Ég brúnaði kartöflur og það var það eina sem ekki heppnaðist fullkomlega.. En ég brenndi þær samt ekki!!! Verð bara að taka það fram...

Svo var ég nú bara að vinna frá 9-21 á laugardaginn og ekkert skemmtilegt um það að segja ;)

Páskadagur : Ég vaknaði frekar snemma! Var svo vön að fara þá á fullt að leita að páskaegginu mínu, en þetta árið var því öðruvísi farið! Orðin gift kona, og var hvort eð er búin að sjá páskaeggið "mitt" þar sem bjó það jú til sjálf! En ég saknaði þess nú samt að þurfa ekki að leita ;) Vorum komin til pabba og mömmu um 12:30, en þau bjuggust við okkur um 14,15 svo að það var gaman að koma aðeins fyrr og vera með þeim að borða páskaeggin :) Íris og Karlott komu svo um 2 minnir mig og það var æði að vera svona öll saman, okkur var öllum boðið í mat um kvöldið og auðvitað vildum við allar koma fyrr :) Í matinn var svo lambalæri og hryggur og svona gamaldags brún sósa með kartöflum og gulum baunum, svona "hlaupa heim úr sunnudagaskólanum - matur" Mmmmmmm góður! Í eftirrétt var svo leyndarmál, það mátti enginn koma inní eldhús meðan pabbi lagði lokahönd á leyndóið! Og svo TA-Ra... Það var grjónagrautur með karamellurjómanum sem er jólaeftirrétturinn okkar... Hann er bara OF góður til að borða bara einu sinni á ári!! Algjörlega ómótstæðilegur! Það var einnig ís í eftirrétt sem Bjössi bjó til og voru þeir líka alveg hrikalega góðir... Pabbi bjó líka til karamellu eins og hann gerði alltaf annað slagið þegar við systurnar vorum litlar.. Og slúrp :) jammí góð sko! Well, fórum svo heim kl 22:30 um kvöldið eftir mjög vel heppnaðan dag!

Bjössi fór að veiða í gær með pabba og Karlott, og hann veiddi einn urriða 3ja punda sem við ætlum fljótlega að grilla, snillingur maðurinn :) Ein montin ... hehe! já og ég var að vinna í gær 10-21 svo að ég er í fríi í dag, ætla að pússa eins og eina til tvær hansahillur :) búin að pússa eina og bera á hana olíu og munurinn er roosalegur!

Njótið nú lífsins :)

Verið blessuð og þangað til næst :

Bæ :)

JÆÆÆÆÆÆÆJ-a

2007-03-31T09:28:00.000-07:00

Bloggletin endalausa.....

Er orðin hálflöt við þetta bloggdæmi enda hef ég sjaldan frá einhverju rosa merkilegu að segja!

En allavega, þessi helgi er fríhelgi hjá mér og hún er sko nýtt til hins ítrasta! Fórum áðan hjónin í Kolaportið og skoðuðum mannlífið, alltaf gaman að koma þangað og skoða :) Keyptum okkur hveitikökur þar en þær eru nú samt ekki nærri því eins góðar og Hrefna amma bjó alltaf til ;) Mmm þær voru æðislegar! Kíktum aðeins í Djásnið en þar eru seldar ýmsar svona "afrískar" vörur, mjög flottar... kíktum líka aðeins í Hagkaup en það var stutt stopp :)

Gestaherbergið okkar er að verða ekkert smá flott! Bjössinn minn málaði það um daginn en það er beinhvítt á litinn eða alveg eins og íbúðin er :) Svo áskotnaðist okkur hansahillur sem amma og afi áttu, en það er nýbúið að skipta búinu þeirra og fengum við slatta af hlutum þaðan, Hildur frænka fékk hansahillurnar í sinn hlut en hafði ekkert að gera með þær og bauð pabba þær sem svo leyfði okkur að fá þær, enda er ég svo gamaldags að þetta var eins og að fá fjársjóð, ætlum bara að pússa þær upp og bera á þær húsgagnaolíu og þá verða þær ennþá flottari.. erum samt sem áður búin að setja þær upp en ekkert mál er að taka þær niður eina og eina í einu! Þannig að gestaherbergið er að verða alveg rosalega kósý, verður líka frekar gamaldags herbergi :) En það er bara svo mikið ég!

Ætlum svo að taka baðið aðeins í gegn fyrir sumarið en það er vel kominn tími á að mála það enda ljósbleikbrúnt á litinn, verður flott þegar við verðum búin að gera það eins og við viljum hafa það.. Ekki bleikt, takk!

Annars er lítið að frétta en samt allt gott :) Ætlum að hafa það notalegt um helgina og njóta lífsins.. Gjörið slíkt hið sama kæru lesendur, (ef einhverjir eru ;) )

Eyglóin sem er í fríiiiiiiiiii!!! ;) ;)

Norðurferð :)

2007-03-14T05:48:00.000-07:00

Við lögðum af stað norðu á Akureyri snemma á föstudaginn síðasta! Planið hafði verið að fara beint eftir vinnu á fimmtudaginn en færðin hafi orðið bandbrjáluð og við erum svo skynsöm að við ákváðum að bíða fram á næsta morgun :) Keyrðum í ágætu veðri minnir mig, ég er að verða alveg hrikalega gleymin.. Stoppuðum í Staðaskála og keyptum okkur pylsu, sem var reyndar held ég versta svona "sjoppupylsa" sem ég hef á ævinni keypt.. Vorum svo komin norður milli 14 og 15... Við tókum íbúð á leigu sem vélstjórafélagið á og fór alveg rosalega vel um okkur þar, ég var byrjuð að vera e-ð slöpp strax á fimmtudeginum svo að það var fínt að vera í sér íbúð ef ég þyrfti að hvíla mig, sem ég þurfti svo þegar leið á ferðina!

Á föstudagskvöldinu pöntuðum við pizzu með Guðrúnu og Jóa, Áslaug var með og einnig Gummi, rosalega góðar Domino's pizzur og skemmtilegur félagsskapur!

Laugardagurinn var nýttur í að sofa smá út minnir mig, aftur minnið að hrekkja mig, vorum svo mætt í hádeginu til tengdapabba í Skarðshlíðina í grjónagraut og slátur, slúrp, eendalaust góður grautur sko ;) Fórum svo fljótlega eftir það út á Dalvík að heimsækja afa og ömmu hans Bjössa, þau eru komin á Dalbæ sem er elliheimilið á Dalvík og þar fer svona vel um þau, þau sjá líka gamla húsið sitt beint af augum af ganginum svo að það er örugglega gaman fyrir þau :) Bjössa fannst samt skrýtið að heimsækja ekki afa sinn og ömmu á Hólaveginn þar sem þau bjuggu í fjöldamörg ár!! Get rétt svo ímyndað mér það..

Fórum upp í íbúð þar sem ég var að slappast e-ð, lagði mig aðeins og heimsóttum við svo Önnu Siggu og Friðjón, þau sætu hjón, alltaf svo gaman að hitta þau :) Þau voru nýlega komin heim frá París og var gaman að sjá myndir sem og video ;) gátum því miður bara stoppað rúman klukkutíma þar því að okkur ásamt Guðrún og co og Gumma auðvitað var boðið í mat hjá tengdapabba, lambalæri var það með kartöflum og grænmeti og bernaissósu... M-M-M mjög svo gott :) Fengum svo heimatilbúinn ís í eftirrétt sem var líka algjör snilld!!

Jæja svo um kvöldið heimsóttum við loks Helgu Maren og Ögmund og syni, loksins fengum við að sjá Bergvin Daða, hann er algjör prins og mjög fallegur, og bara æðislegur :) gaman að hitta þau loksins enda ekkert hist síðan í brúðkaupinu í október!!

Sunnudagurinn.. Fórum í jólahúsið og verð ég að segja að það er með eindæmum gaman að fara þangað, það er svo rooosalega flott þarna inni og sérstaklega eftir að þeir stækkuðu... Ég keypti þar einn jólasvein sem telur niður til jóla, alveg hrikalega flott!!! Kíktum svo aðeins á Áslaugu og skutluðum henni svo á samkomu :) Við fórum í búð og upp í íbúð.. Þar lagði ég mig í 2 klst, steinrotaðist enda orðin slatti slöpp! fórum svo í smá heimsókn til tengdapabba og og svo á Greifann, fengum okkur pizzu nautabanans en hún er SNILLD!!! Með nautakjöti og frönskum og bernaissósu :) Heimsókn til Guðrúnar og Jóa, ég kíkti á Sólveigi, mikið gaman :) kíktum svo í lok kvölds á Jónu Maríu en ég hafði þá ekki hitt hana í rúmlega 1 og 1/2 ár, eða síðan ég flutti suður! Æðislega gaman að hitta hana :)

Keyrðum heim á mánudeginum og ég búin að vera lasin heima síðan, með hita og hósta og brjálað kvef, illt í eyrum og fleira.... oj bara, en ég ætla þó að fara í vinnuna á morgun!!

Jæja, og í dag er miðvikudagur og ég ætla að fara að setja í þvottavél, allir glaðir að vita það!

Verið margblessuð vinir :)

Ykkar Eygló lasarus

Afmæli, dúnsæng og Pizza Hut :)

2007-03-03T04:10:00.000-08:00

Ég og Arna áttum afmæli í gær :) Uppáhalds dagurinn minn á árinu má eiginlega segja! Ég er svo mikið afmælisbarn og var alveg búin að telja niður í afmælið!! Hehe.. Takk allir sem mundu eftir deginum og glöddu mig með sms-um og kommentum á blogginu mínu :) Eftir vinnu kom Arna með yndin sín þrjú og svo kom mamma með stelpurnar hennar Írisar þar sem hún er í Brussel, loks komu svo Hrund og Thea og svo pabbi :) Gaman að hitta alla svona á sjálfan afmælisdaginn :) Ætlum svo að halda mini afmæli á sunnudaginn og ætla ég því að baka í dag og vera voðalega myndarleg ;) Ég fékk einn pakka í gær og það var frá honum Bjössa mínum, og viti menn, ég fékk alveg æðislega dúsæng, akkúrat það sem ég hafði óskað mér, svo þegar ég tók sængina úr pakkningunni þá duttu út tvær syrpur, ég er áskrifandi af þeim en vantaði inní nokkrar svo að hann gaf mér 2 inní það :) ÆÐISLEG gjöf og kortið var svo fallegt, ég felldi næstum tár!! Hehe.. Takk fyrir mig elskan mín ;-*

Við fórum svo á Pizza Hut um kvöldið, fengum okkur ostafylltar brauðstangir og pizzu :) Slúrp, þvílíkt góðar pizzur þarna, komum við á videoleigu á heimleiðinni og leigðum The Guardian, rosalega góð mynd, en fyndið þegar ég sagði kennitöluna mína til að leigja þá sagði afgreiðslugaurinn alveg "hey, áttu afmæli í dag?" ég játti því auðvitað og fékk hamingjuósk að launum :) Gaman að því, aldrei lent í þessu áður en ég óska alltaf fólki sem ég afgreiði til hamingju ef ég sé að það á afmæli, fólk verður alltaf jafn hissa að ég taki eftir því á kortinu ;)

Jæja við hjónin ætlum að fara í Bónus og versla hálfa búðina, og svo aðeins að útrétta, oh ég elska fríhelgar, svo hlakka ég alveg rooosalega til að fá pakka á morgun :)

Njótið helgarinnar í botn og verið blessuð :)

Ykkar Eygló afmælisbarn með meiru ;)

Ahhh :)

2007-02-26T15:45:00.000-08:00

Skemmtileg mynd til að ylja sér við í kuldanum :) Tekin á Barbados í brúðkaupsferðinni okkar í október!! ÆÐI!!!

Oh, ég hlakka svoo til sumarsins.. Útilegur og tilheyrandi ferðalög!! Love it!!

Ykkar Eygló ;)

Gáta ;)

2007-02-22T12:26:00.000-08:00

Fjórir ganga,
fjórir hanga,
tveir veg vísa,
tveir fyrir hundum verja,
einn eftir drallar,
sá er oftast saurugur.

Og hver er með svarið ??

Konudagurinn :)

2007-02-18T13:39:00.000-08:00

Það fyrsta sem ég sá á eldhúsborðinu þegar ég fór fram úr í morgun voru 3 gjafir... Og kort :) Ekkert smá sætur hann Bjössi minn! Hann kann svo sannarlega að gleðja mig því að mér finnst svo gaman að fá pakka :) Svo gladdi hann mig ennþá meira með því að segja mér að hann ætlaði að bjóða mér út að borða í kvöld... Á Hótel Holt ;) Slúrp.....

Dagurinn var svo alveg einstaklega kósý, við vöknuðum um 10 leytið, og fengum okkur morgunmat í rólegheitum, lögðum okkur svo aftur milli 12 og 14, óvanalegt en mjög svo notalegt, ég mátti alveg ráða deginum svo að við fórum í Bónus og keyptum vatnsdeigsbollumix og búðing, (ekki karamellu því að hann er hættur að vera góður) vanillu og sprauturjóma! Bökuðum svo bollurnar og borðuðum smá part af þeim, rosalega góðar og sniðugt (og þægilegt) að kaupa bara mix og bæta við vatni og olíu útí ;)

Svo var auðvitað tekið til í að þvo hár og slétta og fara í fínu fötin og mála sig og gera sig ennþá sætari ;) Vorum mætt þarna kl 19, við fengum freyðivín í forrétt, (ég lét Bjössa drekka einn sopa af mínu glasi fyrir mig) ég skil bara ekki hvernig fólk getur drukkið áfengi, mér finnst lyktin óendanlega vond... svo fengum við að setjast og þá byrjaði 5 rétta ballið!!! MMMMM

Fengum fyrst einhverja sveppafroðu með hökkuðum sveppum, og þetta var alveg rooosalega gott, ég var svo lengi að njóta þess að borða þetta (þetta var í lítilli skál) að ég var ekki búin þegar þeir komu með næsta rétt, sem var reyktur lax með einhverri sósu og alfaalfa spírum og baunaspírum o.fl, mjöög gott líka, þetta var allt svona sem pabbi myndi kalla bragðlaukakitl, allavega sveppafroðan, mmmmm :) næst tók við hörpudiskur í einhverju deigi með einhverri sósu (man ekki nöfnin, var voða flott) og svo krabbi í öðruvísi deigi með líka annari tegund af sósu, rosalega flott borið fram á disknum!! fengum með þessu einhverskonar krabbagratín sem ég fílaði reyndar ekki, alltof mikið alkohólbragð, bjakk.. jæja þá var komið að aðalréttinum sem var lambavöðvi með mjög þunnri sneið af nýrri tegund af sviðasultu yfir og með þessu var einhvers konar kringlótt rófu + kartöflustappa en þó alveg rosalega gott bragð af þessu og fullkomið með lambakjötinu :) ROSALEGA góður matur!! Í eftirrétt voru 3 tegundir af einhverju sem var alveg eins og ís nema það var ekki frosið og lak ekki út um allt, það var í vanilluhlaupi, svo voru ber í vanillufroðu og ein vanilluískúla!!! M-M-M :) alveg magnað :)

Sem sagt fullkominn dagur með fullkomnum manni :) Hann er einfaldlega bestur, enda mér ætlaður ;) Heppin ég!

Gærdagurinn var líka frábær, eyddum honum að mestu leyti fyrir austan, hún Sara Ísold átti afmæli 15.febrúar og var haldið uppá það í gær með pompi og prakt!! Gaman að því :)

Svo var Eurovision partý um kvöldið, ég hélt með Sigurjóni Brink með lagið Áfram, enda algjört snilldarlag, en ég er samt rosa ánægð með að Eiríkur sé að fara út, hann var með hresst og flott lag sem mun örugglega vekja athygli úti !! Áfram Eiríkur.. :)

Þá er að byrja ný vinnuvika á morgun, leiðinlegasta vinnuvikan þar sem hún endar á að ég eigi vinnuhelgi!! er einhver sem vill fá mig í vinnu 8-16 virka daga og borga mér vel???? Hehe, það væri draumur... orðin hundleið á þessum kvöld og helgarvöktum...

Eigið samt sem áður rosalega góða viku framundan og farið vel með hvert annað :)

Verið svo margblessuð, það er ég svo sannarlega!!

Ykkar Eygló H-A-M-I-N-G-J-U-S-A-M-A ;)

Forvitna Eygló ;)

2007-02-10T01:42:00.000-08:00

Þeir sem mig þekkja muna eftir sögunni þegar slökkviliðsbíllinn var að "elta" mig norður á Akureyri og akkúrat þegar ég vippaði mér uppá kantinn til að víkja fyrir þeim þá voru þeir komnir á áfangastað! Ég auðvitað trylltist úr hlátri eins og mér einni er lagið :)

Allavega, á fimmtudaginn fer ég út á videoleigu (tala alltaf um að leigja spólu þó ég sé auðvitað að leigja DVD, en hvað um það) finn reykjarlykt í loftinu út á bílaplani hér heima en sé engan eld svo að ég bara fer, kem til baka og þá er kominn mikill reykur yfir bílaplanið og miklu meiri lykt.. Ég skrepp í Kaskó og þegar ég kem útúr Kaskó er kominn enn meiri reykur og þar sem ég er alveg hrikalega forvitin þá ákveð ég að hlaupa nú aðeins á bakvið blokkina, hélt kannski að það væri kviknað í stóru blokkinni en nei þá sé ég helling af löggubílum og slökkvibílum og einn sjúkrabíl vera þarna hjá Gerðubergi, ég auðvitað labbaði lengra, forvitnin alveg að drepa mig! Labba þarna í gegnum mikinn reyk og fer alveg að FB, þar sé ég bara hvaðan reykurinn stígur upp en engan eld, þá hafði eins og allir vita núna, kviknað í Skátaheimilinu, ekki í fyrsta skipti!! Íbúðin okkar angaði af reykjarlykt en þó ekki eins og jakkinn minn sem ANGAR af lykt.. rosalegt að sjá þetta.. Eins gott bara að það var engin inn í húsinu! Get varla ímyndað mér neitt verra en að lenda í eldsvoða, það var líka mín versta martöð sem barn, að það myndi kvikna í og ég kæmist ekki út.. Brrr skelfileg tilhugsun!!

En að öðru.. Við ætluðum að vera að hafa það kósý í sumarbústað þessa stundina en þar sem nær allir landsmenn hafa verið að veikjast þá er Bjössi örugglega með flensuna, hann er búinn að vera að frjósa út kulda, jafnvel með 2 sængur, og það er sko ólíkt honum! Hann er líka með hita og allt sem fylgir flensunni, svo að við ákváðum að fara bara eftir viku í bústaðinn, enda leiðinlegt að fara og geta svo ekki gert neitt útaf slappleika, ekki einu sinni farið í pottinn!! Það gengur sko ekki..

Ætla að taka því rólega í dag, og njóta þess að vera í fríi, ætla að þvo þvott, og taka aðeins til, elska að hafa þurrkara, handklæðin verða svo mjúk, lov it!! Annars er nú ekkert annað planað nema hjúkra Bjössa mínum :)

En eigið alveg ofsalega góða og notalega helgi elskurnar :)

Verið marg marg blessuð!

Ykkar Eygló ofurforvitna ;)

Helgin og fleira!

2007-02-07T03:56:00.000-08:00

Jæja síðast þegar ég bloggaði var ég í smá kvartistuði.. Þið vonandi afsakið það! Það virkaði nú samt því að daginn eftir hafði ég lést aðeins :) Borgar sig stundum að kvarta.. Neh segi nú bara svona!!!

Helgin var mín, mikið rosalega er þreytandi að vinna svona mikið þriðju hverja helgi, frá kl 14 á föstudegi til kl 21:? á sunnudagskvöld.. Ferð rétt svo heim til að sofa, mér finnst að það ætti að breyta þessu fyrirkomulagi! En ég ræð því því miður ekki... Var alveg búin á sunnudagskvöldið og mig minnir að ég hafi farið næstum beint að sofa þegar ég kom heim.. Man það þó ekki alveg!

Vigtin góða, (á maður ekki að kalla hana það?) sýndi lægri tölu á mánudaginn, jibbý! Þá voru farin 2,6 á 2 vikum sem er bara alveg ásættanlegt! Síðustu 2 dagar hafa nú ekki verið sem hollastir en dagurinn í dag verður það! Maður verður að halda sig við efnið! Er það ekki??

Fórum í bíó í gær systurnar á Pursuit of happyness! Arna vann miða fyrir okkur á Barnalandi og fórum við á forsýningu og mikið var hún góð, ef hann Will Smith vinnur ekki óskarinn fyrir þessa mynd þá veit ég ekki hvað, hann á það allavega skilið, þvílíkt sem hann lék vel!!!! Vá, get alveg gjörsamlega mælt með þessari mynd við alla! Því að hún snertir held ég við öllum!

Um helgina ætlum við hjónakornin að skella okkur í sumarbústað :) Ég hlakka svo mikið til!! Ég er að vinna til 16 á föstudaginn og Bjössi til 15:30 og við ætlum að vera búin að pakka niður og fara svo bara að versla og rúlla af stað.. Þetta er í Ölfusborgum svo það er ekki langt að fara :) Ætlum að fara bara tvö og hafa það kósý :) Hlakka mikið til :)

Hef nú ekki mikið meira að segja!!

Verið margblessuð :)

Ykkar Eygló minnkandi og svo mikið hamingjusama ;)

Æ-I

2007-02-01T13:27:00.000-08:00

Átakið mitt gengur ekki sem best, verð að játa að ég er massa svekkt, búin að missa 1,6 kg en ekkert virðist fara í viðbót, ég prófaði einn daginn að borða bara einn banana og svo nupo létt eftir hádegi en var svo 100 gr þyngri morguninn eftir.. Borðaði svo aðeins meira daginn eftir, en ekkert óhollt og aftur kom 100 gr! Skil þetta ekki! Er frekar dugleg að borða grænmeti en þó ekki 600 gr á dag, kannski 200-300 gr.. Ætti að bæta mig þar! Svo er ég nýbúin að komast að því að í kristal + sem ég drekk mjög oft inniheldur bara aðeins minna af sykri en í kók, þvílík blekking, eða ég svona vitlaus!

Ég ætla nú ekki alveg að drepa ykkur úr leiðindum, hvað finnst ykkur um nýju Lost seríuna sem var byrjað að sýna síðasta mánudag? Ég er ekkert smá spennt fyrir þessum þáttum enda á ég báðar hinar seríurnar á DVD! Mér allavega finnst þetta sjúkt góðir þættir og ekkert orðin leið á þeim eins og ég hef heyrt að margir séu!

Hef þetta ekki lengra að sinni, ég á helgarvaktina framundan og finnst mér það ekki spennandi tilhugsun! Kannksi maður ætti að finna sér aðra vinnu? Veit ekki..

Verið blessuð :)

Ykkar Eygló...

Átakið :)

2007-01-29T02:14:00.000-08:00

Jæja fyrsta vigtun var í morgun og það eru 1,6 kg farin :) Ég er ánægð með það.. Var nú reyndar búin að missa 2,1 á laugardaginn en þrátt fyrir að passaði mig vel í tveimur afmælum og borðaði ekkert nammi þá bætti ég smá á mig :( En þetta kemur allt saman :) Er bara spennt fyrir þessu og Bjössi er búinn að vera mjög duglegur að hvetja mig áfram! Það munar nefnilega ekkert smá að hafa góðan stuðning, gæti þetta örugglega ekki ef Bjössi væri alltaf að hakka í sig nammi þegar ég væri með gulrætur til að narta í! En við erum saman í þessu og það er æðislegt!

Ætlum að byrja að fara í göngutúra á miðvikudaginn en þá er ég á fyrrivakt! Skemmtilegt að labba hér um í Breiðholtinu og rifja upp gamlar minnigar og segja Bjössa frá í leiðinni :) Ég stefni á að missa kíló á viku og allt meira en það er auðvitað bara bónus, en ef ég næ því þá ætti ég að vera búin að missa 10 kg um páskahelgina, sem væri flott að ná..

Helgin var annars bara mjög skemmtileg, fórum í þorrablót á föstudagskvöldið í vinnunni hjá Bjössa, það var fínt, þekkti að vísu engan en þá er ekkert annað en að kynnast fólkinu :) fórum svo í tvö afmæli á laugardaginn, fyrst hjá Birgi Kidda syni og svo hjá Rebekku Rós Gústadóttur.. bæði mjög skemmtileg afmæli og gaman að hitta fólkið sem þar var.

Sunnudeginum eyddum við svo í að taka til í gestaherberginu og skelltum okkur svo austur seinniparitnn og það er alltaf svooo kósý að koma þangað, Íris og fjölskylda kom líka og Arna kom með okkur Bjössa.. Notaleg stund með skemmtilegu fólki :)

Talandi um ferðalög í síðasta bloggi, við stefnum á norðurferð 10.-12.mars :) Það er fyrsta helgin sem við komumst en það væri virkilega gaman að fara að skella sér norður!

Verð svo að enda á að óska Helgu Maren, Ögmundi, Björgvin og Birtu til hamingju með litla prinsinn :) Hann er ekkert smá fallegur :) Síðan hans á barnalandi er www.barnaland.is/barn/55804 endilega skoðið :)

Verið öll sömul blessuð :)

Ykkar Eygló :)

Ferðalag...

2007-01-25T12:07:00.000-08:00

Mig er farið að langa í ferðalag!

Hlakka til í sumar að fara í útileguR, oh það er svo mikil stemning og svo kósý, gaman að tjalda og hita sér vatn á prímusnum og fá sér heitt swiss miss á köldu sumarkveldi :) Mín bara orðin ljóðræn! Hehe.. Æ það er bara svo skemmtilegt að ferðast og við eigum nú svo fallegt land sem gaman er að skoða :) Verður líka gaman að fara norður í sumar því að það er svo gaman að keyra á milli Akureyrar og Reykjavíkur í fallegu veðri, stoppa svo bílinn og borða nestið í fagurri náttúrunni! Fyrir utan auðvitað að hitta allt liðið okkar fyrir norðan ;)

Ég er búin að vera hálf sloj undanfarna viku, ástæður fyrir því en það fer að fara held ég. Vona það allavega :) ALLT hægt ef viljinn er fyrir hendi ..

Jæja, ég ætla að fara að slétta á mér hrikalega "krullaða og liðaða og ég veit ekki hvað og hvað" hárið.. Átakið gengur barasta ágætlega, 4.dagurinn að enda og ef mig langar í e-ð á kvöldin þá fær ég mér grænmeti.. Sem er rosa ferskt og gott, nema ekki spergilkál, bjakk, :Þ Þyrfti að vera duglegri að drekka vatn en ég drekk eiginlega bara rauðan kristal + ... Mmm

Verið öll blessuð :)

Ykkar Eygló minnkandi ;)

Jæja þá er komið að því!

2007-01-23T04:24:00.000-08:00

Ég ætla í alvöru átak... Búin að byrja í nokkrum undanfarið sem ég hef gefist fljótt upp á. En nú er ég alveg ákveðin en þarf smávegis stuðning frá ykkur elskurnar mínar...

Ég er búin að setja upp stiklu hér efst á bloggið mitt þar sem ég ætla að missa 10 kg, ég vil ekki setja mér of há markmið strax því að þá eru meiri líkur á að maður koksi á því ef svo má að orði komast! Einu sinni í viku eða á mánudögum verður stiklan uppfærð.. Og svo mega allir vera voða duglegir að hvetja mig áfram!! Við Bjössi ætlum svo að fara í göngutúra þegar fæturnir mínir verða komnir alveg í lag sem verður fljótlega :)

Verð annars heima í dag en ætla í vinnu á morgun, annað kvöld er svo frænkukvöld hér hjá mér en þá kemur amma, mamma, systur mömmu og allar dætur og tengdadætur :) Ekkert smá skemmtilegt.. Þetta er þriðja frænkukvöldið sem við höldum en Arna var sú fyrsta og er hún því frumkvöðullinn.. Hittumst ca einu sinni í mánuði nema í desember því að þá var svo mikið að gera hjá öllum!

Jæja, munið bara að vera mjög dugleg að hvetja mig áfram því að það er svo hvetjandi.. Hehe

Ykkar Eygló ákveðna :)

Hrakfallabálkurinn!!

2007-01-21T09:26:00.000-08:00

Það mun vera ég í dag allavega...
Ég var að hlaupa niður til að fara útí búð þegar ég hrasa svona í tröppunum og sný einhvern veginn báðum fótunum mínum og meiddi mig frekar mikið.. Ég brotnaði sem betur fer ekki, en er aðeins bólgin núna og meiði mig ef ég hreyfi fæturna til hliðanna, en mikið var þetta nú klaufalegt af mér, missti skóinn og allt í hamagangnum! En gott að þetta varð ekki alvarlegra!

En annars er bara gott að frétta, ætla að vera heima á morgun og hvíla fæturna en hún Arna yndi ætlar að taka vaktina fyrir mig :) Veit svo sem ekkert hvað ég ætti að blogga um!!

Mig er farið að langa að kíkja norður, en við komumst örugglega ekkert fyrr en um páskana og þá ef ég næ að redda þeirri helgi því að það er vinnuhelgin mín, en ég átti síðustu páska og jólahelgina núna og næstu páska, ótrúlegt hvernig þetta lendir stundum :Þ En það væri nú gaman að fara að fara í smá ferðalag!

Jæja ég ætla að láta þetta duga og fara að setjast með lappir uppí loft! Good idea..

Fyrirgefið leiðinlega bloggfærslu.. Blogga skemmtilegra næst!

Eyglóin ykkar klaufabárður!

Ég á svo sæta mömmu!!

2007-01-11T15:28:00.000-08:00

Arna var að segja mömmu að við ætluðum að hittast í kvöld heima hjá henni og horfa á House.. Þá heyrist í mömmu, nú er hún (Eygló) e-ð að verða veik??? House, eða hás!!! ;) Snilldin ein!

Mamma þú ert æðibiti :) Elska þig..

Þín Eygló

Árið 2006...

2007-01-08T04:47:00.000-08:00

... Var svo sannarlega árið mitt!!!

Í byrjun árs var ég að vinna í Hagkaup og var ekkert svakalega ánægð þar, lítil laun fyrir ágætlega mikla vinnu, ég sagði upp og fór að leita að annarri vinnu.. Fann fljótlega auglýsta vaktstjórastöðu í Nóatúni í Hverafold, ég hafði að vísu ekki hugmynd um hvar það væri en ég hringdi nú samt í Verslunarstjórann og sagði að ég hefði áhuga á þessu starfi, fór í viðtal við hann, svo til rekstarstjóra og stafsmannastjóra, og bingó, fékk vinnuna, miklu hærri laun og yfirmaður :) Ekkert smá ánægð með það :) :)

Byrjaði þar nákvæmlega 27.febrúar. Svo var það einn fallegan dag í mars að gamall vinur kom í búðina, við spjölluðum og bara gaman að því, hann spurði mig nú hvort ég væri bara ein og ég játti því enda ekki að leita mér að manni fyrir 5 aur! Það varð þó úr að hann bað um símanúmerið mitt á blogginu mínu og mér fannst það pínu krúttlegt :) Við fórum að hittast oftar og oftar og svo eitt skiptið eftir að hann kom af sjónum, við búin að vera í síma og e-mail sambandi allan tímann, bauð hann mér út að borða.. Ég mátti ekkert vita hvert, ég átti bara að vera fínt klædd og hann myndi sækja mig.. Mætir hann svo, alveg glimrandi fínn, með rós handa mér.. keyrir af stað og ola.. Argentína, takk fyrir :) Ekkert smá rómantískur, og þetta var alveg æðisleg stund, nema ég var stressuð og orðin yfir mig hrifin :) stuttu síðar byrjuðum við saman :) Eða 21.maí :) Hamingjan!

Við fórum svo norður helgina 23.-25.júní, það vissi það auðvitað enginn þá en við höfðum farið í Jón og Óskar á Laugarveginum og keypt trúlofunarhringa og ætluðum að trúlofa okkur fyrir norðan :) Við fórum í Listigarðinn á laugardagskvöldinu, og fundum einhvern ægilega sætan bekk hjá gosbrunni og settum upp hringana þar, það skríkti í okkur næstum, svo gaman :)

Allt fór á fullt við að undirbúa brúðkaupið en það var eiginlega strax ákveðið að hafa það 7.október og í Selfosskirkju, ég hafði farið þangað í jarðarför fyrr á árinu og heillast af kirkjunni, ofsalega falleg :) allir voru alveg rosalega duglegir að hjálpa okkur við undirbúninginn!! Pabbi og mamma, tengdaforeldrar mínir, Inga frænka Bjössa, amma, Íris og margir margir fleiri, ég gifti mig í brúðarkjólnum hennar mömmu, 28 1/2 árs og amma saumaði hann á mömmu á sínum tíma! Ég hafði rosalega gaman af því að klæðast honum, enda lengi vel verið hrifin af gamaldags öllu mögulegu, ekki svo að segja að kjóllinn sé gamaldags, hann er mjög fallegur perluskreyttur og plein.. og ég var svoo sæt í honum :) Hehe..

Brúðkaupið tókst með eindæmum vel og veislan líka, daginn eftir opnuðum við svo alla pakkana og mér fannst eiginlega svona tíföld jól, þetta voru svo margir pakkar, en ekki leiddist mér eða Bjössa það! Fengum alveg ótrúlega margt fallegt sem nú skreytir heimilið okkar! Takk allir!

Jólin voru haldin hjá pabba og mömmu, og áramótin einnig, alveg æðislegt, góður matur og góður félagsskapur :) við ætluðum norður um áramótin en Bjössi var á bakvakt og komumst við því ekkert, mjög leiðinlegt en stefnan er að fara næstu áramót norður! :)

Þetta ár var því svo sannarlega árið mitt!!

Guð blessi ykkur nýja árið og hafið það ofsalega gott!!

Eyglóin hin hamingjusama :)

Gleðileg jól allir saman..

2006-12-24T08:49:00.000-08:00

...það er komin jólastund :) Stundin sem ég hef beðið eftir í marga daga...

Langar bara að óska ykkur öllum Gleðilegra jóla :) Hafið það afspyrnu gott og farið vel með ykkur. Og njótið nú jólanna :)

Bestu kveðjur Eygló hin hamingjusamasta ;)

8 dagar til jóla :)

2006-12-16T06:37:00.000-08:00

Jæja þá er þetta nú heldur betur farið að styttast!! Og ég hlakka sko til!

Ég vaknaði eldsnemma í morgun (8.30) og var eiginlega alveg útsofin, ég alveg iðaði í skinninu að fara að fara fram úr, ástæðan? jú ég var svo spennt að fara að pakka inn jólagjöfunum og skrifa jólakortin og allt það :) Þannig að ég er að verða búin að pakka inn öllum pökkunum og er búin að skrifa um 30% af jólakortunum, er bara með "næstum því krampa" í hendinni og þar sem ég get ekki skrifað líka með hægri hendi þá er nauðsynlegt að taka smá pásu :)

Íris og Karlott og dætur eru svo væntanleg í heimsókn, mér þykir mjög gaman að fá fólk í heimsókn :) sérstaklega skemmtilegt fólk (ekki eins og ég sé e-ð að fá leiðinlegt fólk í heimsókn) við erum búin að fá brúðarmyndirnar okkar og ég hlakka til að sýna Írisi þær, þar er líka mynd af þeim hjúum þar sem þau sungu nú í okkar sæta brúðkaupi :) gaman að því :)

Fórum í gær við Bjössi í Kringluna og kláruðum að kaupa jólagjafirnar, áttum nú bara 2 eftir svo að það var nú ekki lengi gert :) en ég tók eftir því að það voru ekkert svona ógeðslega margir í Kringlunni, giska á að flestir hafi verið í Smáralind, en mér þykir nú alltaf Kringlan meira kósý!

Stefnan er svo tekin á það að kaupa jólatréð um helgina :) Ég vil fá alvöru jólatré og fara með að kaupa það og finna skemmtilegu jólalegu lyktina á jólatrésölunum :) Man alltaf eftir lyktinni af trjánum þegar við fórum fjölskyldan í denn og keyptum tréð sem við völdum :)

Jæja nóg komið af blaðri..
Ætla að fara að taka á móti gestunum :)

Eygló húsmóðir með meiru :)

Loftkökur :)

2006-12-06T12:37:00.000-08:00

Eygló húsmóðir var að baka loftkökur :)
Og nú eru sko jólin að skella á, loftkökuilmurinn flæðir um húsið og ég minnist þess þegar við systurnar vorum litlar og fengum alltaf að búa til stafinn okkar úr loftkökudeigi og baka hann svo, það var alltaf mikill fögnuður þegar það tókst, stundum brotnaði stafurinn en þá bjó mamma nú iðulega alltaf til nýjan :) :) Ég á sko bestu mömmu í heiminum :) EN, þar sem ég nú bara 25 ára þá bjó ég mér til staf ;) Og hann tókst svona ljómandi vel :)

Þegar ég kom heim úr vinnunni á laugardaginn var Bjössi búinn að skreyta svalirnar með seríu og greni, setja jólaseríur í stofugluggann og eldhúsgluggann og svo á sunnudeginum setti hann líka seríu í þvottahúsið svo að það er ekkert smá jólalegt að sjá íbúðina okkar :) og vá hvað hann hitti í mark með þessum óvæntu aðgerðum ;) Algjört yndi ;)

Ég hef lítið annað að segja, langaði bara að tjá mig um loftkökurnar :)

Njótið þess að vera til :)

Eygló bakari :)

Ég er gædd þeim..

2006-11-30T12:03:00.000-08:00

..Ótrúlega hæfileika að geta skrælt egg en skilið himnuna eftir!! Þetta eru auðvitað ekkert nema hæfileikar en þó hæfileikar sem ég gæti alveg hugsað mér að lifa án!! Hrmpf, eins og Andrés Önd vinur minn myndi segja :)

24dagar til jóla og eins og allir vita að þá líður tíminn nú hratt á gervihnattaöld, ég á þessa vinnuhelgi en ég vinn 3ju hverja helgi og mér finnst mjög stutt síðan ég átti helgina, en það er jafn langt til jóla og frá því að ég vann síðast, þegar ég vinn um helgina, ok, smá flókið en samt ekki svo :)

Ég skreytti smá síðustu helgi, svindlaði og setti aðventuljósið útí glugga, finnst hálfpartinn vera að stela af okkur einni viku af aðventunni því að jólin lenda á sunnudegi, en hver segir svo að ekki megi setja ljósið of snemma í gluggann?? Ég skreyti bara þegar ég vil :)

Ég bakaði líka 3 smákökutegundir síðustu helgi og fór svo austur með Bjössa á sunnudeginum og færði pabba og mömmu smákökur, ég held að pabbi hafi verið sérstaklega ánægður að fá spesíur ;) mér finnst svo gaman að baka smákökur og ekki verra þegar þær hitta í mark, nú eða munn ;) Ég er bara svo afbragðs smákökubakari ;)

Ég er búin að kaupa allar jólagjafirnar nema eina og það er svo mikil snilld að vera næstum búin, ég fatta bara ekki fólk sem dregur það að kaupa gjafirnar fram á Þorláksmessu og enda svo á að kaupa bara e-ð í stresskasti! Skil það bara ekki.. Miklu skemmtilegra að vera búin að þessu og geta gert það sem manni langar á Þorláksmessu, svo finnst öruuglega sumum það tilheyra jólunum að kaupa jólagjafirnar á Þorláksmessu og það er hið besta mál, bara ekki e-ð sem ég myndi nenna... Rosa langloka hjá mér e-ð....

Jæja bakið er e-ð að stríða mér svo að ég ætla að fara og setja í þvottavél.. Hehe..

Takk fyrir að lesa og vonandi hafðirðu gaman af :)

Eygló

Hundrað: Ryk úr leyniherbergi í niðurgrafna pýramídanum í týndu borginni í horfna ríki nafnlausa konungsins!!

2006-11-25T05:18:00.000-08:00

Ljúfa lífið :)

Vaknaði "snemma" í morgun, eða svona miðað við vanalega, var vöknuð kl 9 enda átti ég von á agnarsmáum gesti :) Þórey Erla var mætt til mín kl 9:50 og var ég að passa hana meðan Arna fór með eldri stelpurnar sínar á jólastund í leikskólanum :) Það var gaman að vera svona smá í mömmó, annars var Bjössi ótrúlega duglegur að leika við hana ;) Ég bakaði eina smákökusort og ætla svo að gera deig í loftkökur og vanilluhringi á eftir og ég reikna með að baka meira á morgun :) Það er svo jólalegt að setja jólalögin á og baka smákökur, ég hef allavega voðalega gaman af því ;) Arna kom svo í smá heimsókn þegar hún sótti litlu krúttluna og þær eru alger yndi þessar litlu frænkur mínar, vantaði bara Írisi og sætu stelpurnar hennar en hún er á fullu að læra þessi dugnaðarforkur!!

Fórum í matarboð í gærkveldi, Kiddi og Ásta voru svo rausnarleg að bjóða okkur heim :) Fengum alveg dýrindis fiskiofnrétt, með salati og kartöflum :) Mmm þetta var ofsalega gott .. Enda ekki við öðru að búast þegar Ásta eldar, listakokkur :) Takk fyrir okkur :)

Svo eigum við von á matargestum í kvöld.. Fyrsta matarboðið okkar, eða svona hér um bil ;) Óli og Erdna og börn ætla að gleðja okkur með nærveru sinni í kvöld og það verður eflaust gaman að fá þau í heimsókn og kynnast þeim betur :) Ég hlakka til :)

Annars er bara allt rosalega gott að frétta :) Verð að segja ykkur frá stærstu fréttinni!!!! Það er von á fjölgun í fjölskyldunni!!!!!............

................. Hún Íris mín sæta systir og Karlott eiga von á sínu þriðja barni í maí á næsta ári :) Ég spái því að þau fái strák en það verður spennandi að sjá hvort kynið það verður ;) Ótrúlega spennandi.. Gaman að þessu ;) :)

Jæja ætla að fara að búa til smákökudeig :)

Njótið aðventunnar (sem byrjar eftir viku) og hafið það afspyrnu gott :)

Ykkar Eygló jólastelpa ;)

Mikið er ég heppin..

2006-11-18T15:59:00.000-08:00

... að eiga svona frábæra foreldra
og æðislegar systur að :)

Ég elska ykkur hrúgu!

Ykkar Eygló :)

Ahhh :)

2006-11-13T05:11:00.000-08:00

Notalegt að eiga frídag eftir langa vinnuhelgi :)

Helgin var frekar fljót að líða og gaman að eiga frí næstu 2 helgar! Jibbý :)

Er að fara í bæinn á eftir, er nefnilega búin að bjóða systrum mínum og mömmu heim á þriðjudagskvöldið og við ætlum að búa til konfekt fyrir jólin :) Ég hlakka mikið til að fá þær í heimsókn enda er það eitt það skemmtilegasta sem ég veit, að hitta fjölskylduna mína :) Við Arna erum sem sagt að fara og versla fyrir konfektgerðina.. Gaman gaman :)

Er bara að dúlla mér hérna heima, hlustandi á jólalög :) Keypti mér nýja jóladiskinn með 100 lögum og hann er svo sniðugur að það er skipt niður í barnajól á einum disk og gömlu jólin, hátíðarjól og vinsæl jól 2 diskar, ég er að hlusta á barnajól núna og er alveg orðin 8 ára aftur... Minningar og aftur minningar, og það skemmtilegar minningar, gleymi aldrei pakkadagatalinu sem við systurnar fengum í mörg mörg ár, það var alltaf svo skemmtilegt að vakna og fara fram og klippa pakkana af og opna, og fá í skóinn! MMM gaman, ætli þetta verði ekki fyrsta skiptið sem ég fæ ekki í skóinn, allavega á aðfangadag hef ég alltaf fengið í skóinn! Sjáum hvað jólasveinninn gerir þetta árið ;) Eða sko nýji jólasveinninn :) Hehe

41 dagur :) :) :) :)

Ég ætla að fara að hringja í Örnuna mína :)

Njótið lífsins og daganna fram að jólum :) Þið bara fyrirgefið hvað ég tala mikið um jólin, þetta er bara uppáhalds tíminn minn á árinu :)

Ykkar hamingjusamasta Eygló :)

Mikið er nú gott....

2006-11-09T12:56:00.000-08:00

.... að eiga þak yfir höfuðið! Sérstaklega þegar blæs svona!

Ég man þegar við Arna vorum litlar og vorum kannski að hlaupa heim úr strætó og horfðum upp í himinn og ímynduðum okkur að við værum þarna lengst uppi! Verst þótti okkur tilhugsunin um að eiga ekki sæng því að þá yrði okkur svo kalt!! Fyndin en skemmtileg minning, man að við hugsuðum þetta oft þegar stjörnubjart var! :)

Heimilið okkar Bjössa hefur tekið miklum breytingum síðan við keyptum íbúðina í júní af pabba og mömmu, (ekki að hún hafi verið e-ð hræðilegt) búið er að mála hjónaherbergið og tölvuherbergið, alla stofuna og holið og loftið allsstaðar! Eigum eftir að mála gestaherbergið en það er Hagkaupsappelsínugult og ekki alveg að falla inn hjá mér! Ætlum svo að mála baðherbergið en það er einhversskonar ljósbleikbrúnt á litinn... Svo á seinni tíma plani er að setja parket á íbúðina og þá er hún fullkomin! Ég meina það! Gæti ekki verið ánægðari! Erum búin að hengja upp helling af myndum, fleiri en þegar ég bloggaði þarseinast.. Og þetta er allt að taka á sig mjög svo kósý og skemmtilega mynd! Ég er búin að vera í því í kvöld að færa húsgögn, ein, það fer svo sem ekki vel í bakið en Bjössi er að spila á samkomu :) ætla að koma honum á óvart þegar hann kemur heim, verð búin að gera miklu meira en hann veit... ;)

Ég á þessa vinnuhelgi og þið megið hugsa til mín!! Vona að helgin verði fljót að líða!

Svo styttist og styttist í jólin! 45 dagar!!! :) Og dagarnir líða hratt!!!

Jæja ég ætlaði bara rétt að blogga, mmm hvað það verður notalegt að sofna á eftir við lætin í vindinum :) Undir sæng.... Sem ég ætti líklega ekki ef ég byggi á annarri stjörnu ;) Tíhí...

Njótið lífsins :) Því það er yndislegt og Guðsgjöf :)

Ykkar Eygló jólastelpa... 45 dagar........!

"Því jólin eru að koma...."

2006-11-06T14:17:00.000-08:00

.....Eftir 48 daga...... Sungið hástöfum! Love it!

Það var massa haglél áðan þegar ég hljóp út í bíl, loksins búin að vinna, verð að játa að ég er orðin pínu þreytt á að vinna þessar kvöldvaktir, leiðinlegt að hitta Bjössa ekkert frá hálf 8 á morgnanna til hálf 10 á kvöldin...!!

Helgin var þvílíka snilldin! Fórum stórfjölskyldan, mömmu megin, á Apavatn í RISA sumarhús sem Rafiðnaðarsambandið á, ég spilaði helling um helgina, bæði Hættuspilið og svo nýtt spil sem heitir 7-a og við systurnar náðum meira að segja að dobbla pabba og svo mömmu til að spila, og það er algjört met!! :) En gaman var það! Það var brjálað veður alla helgina eins og alþjóð veit en við höfðum það gott og kósý inni í hlýjunni :) Á laugardagskvöldið um 11 leytið þegar börnin voru sofnuð, settumst við öll í hring og gerðum svolítið sem uppörvaði mann helling, fyrst áttum við að segja 5 bestu kosti manneskjunnar okkur á hægri hönd og svo snerum við því við og sögðum fallegt um þann sem sat vinstra megin við okkur. Þegar því lauk, fórum við enn lengra, allir sögðu e-ð fallegt um alla, við vorum ca 20 manns, og þetta tók því svolítinn tíma, við fórum inn að sofa kl 2 og þá vorum búin að vera tala fallega um hvort annað í 3 klst! Æðislegt! Þetta var tilfinningarík stund, mikið hlegið og brosað og nokkur tár féllu einnig, virkilega gefandi! Ég tilheyri alveg æðislegri fjölskyldu sem ég elska brjálað mikið!! Takk allir fyrir samveruna!

Tölum svo aðeins um jólin :) Ég hlakka SVOOO til, þeir sem til mín þekkja vita að ég er algjör jólastelpa, ég bara elska allt við jólin, ég ætla að kaupa á morgun súkkulaði og núggat og marsipan til að búa til jólakonfekt og svo er ég búin að blikka Bjössa til að kaupa hakkavélina á Kitchen Aid vélina okkar fyrir jólin svo að ég geti bakað smákökur, loftkökur, vanilluhringi, spesíur og súkkulaðibitakökur :) Mmm það er svo notalegt að undirbúa jólin :) Skreyta og hlusta á jólalögin, ætla einmitt að kaupa nýja 5 diska jólageisladiskinn sem er nýkominn út! Geggjað góður örugglega!

Jæja, ég er að drepast í bakinu, svo að ég ætla að hætta!

Njótið lífsins, það er svo skemmtilegt!!

Ykkar Eygló sem er svoooooooooooooooooooooooooo hamingjusöm :)

Once you stop you can't pop ;)

2006-10-29T15:36:00.000-08:00

Hehehehe :)

Íris systir átti þessa snilldarsetningu í kvöld og uppskar mikið hláturskast hjá viðstöddum! Við vorum systurnar, nema Arnan mín, og Karlott og Bjössi heima hjá Írisi, fórum fyrst til að skoða sjávarfiskabúrið þeirra sem er MEGA flott, en spiluðum svo spil sem heitir sjö-a og var mikið hlegið, enda hefur hún Hrund einstaklega smitandi hlátur þegar hún er í ákveðnu stuði! Þetta var mjög skemmtilegt kvöld :)

Helgin er líka búin að vera ótrúlega þægileg, ég vígði nýju Kitchen Aid hrærivélina okkar sem við fengum í brúðargjöf og bauð Örnu og dætrum í vöfflur :) Það var stolt húsmóðir sem blandaði saman hveiti og fleiru í hrærivélina og bjó svo til vöfflur í gamla vöfflujárninu þeirra pabba og mömmu, vöfflujárninu sem við Arna vöskuðum upp um árið, höfðum ekki hugmynd um að ekki mætti bleyta raftæki.. Sem betur fer var það ekki í sambandi þegar vatnsbunan fór á það ;)

Ég gekk líka frá á borðstofuborðinu okkar sem er búið að vera hlaðið gjöfum síðan við giftum okkur, ég hef ekki gefið mér tíma fyrr til að ganga almennilega frá en nú er stofan okkar rosalega flott með fullt af nýjum og glæsilegum hlutum :) Gaman að því :) Hengdum líka upp málverkið sem afi málaði og líka málverkið sem við fengum frá pabba og mömmu í brúðargjöf, en það er ekkert smá flott, það er málað með vatnslitum og bleki og er af Gluggafossi í Fljótshlíð, brjálað flott málverk og við erum ekkert smá ánægð með það!! :)

Helgin var góð og notalegt að vera í fríi :) Í kvöld elduðum við okkur lax sem pabbi veiddi og höfðum kartöflur og salat með og mmm geggjað gott :) Gaman gaman :)

Jæja ég þarf að vakna kl 5:30 til að bera út svo að það er eins gott að ég fari að drífa mig í háttinn, á reyndar von á pabba og mömmu á eftir en þau voru í Köben um helgina og ætla að gista hér í nótt, fyndið að fá pabba og mömmu að gista hjá mér, hefur alltaf verið öfugt!!

Eigið góða viku framundan :)

Og elsku Sonja og Helga Maren mín, myndasíðan er inná http://public.fotki.com/bingi/ njótið vel dúllurnar mínar :)

Ykkar einasta Eygló ;) yfir sig HRESSA ;) ;)

Meira um Karíbahafið :)

2006-10-27T11:06:00.000-07:00

Jæja við vöknuðum um kl 3 um nóttina til að taka taxa út á JFK flugvöll í New York, við áttum flug kl 8 um morguninn en þar sem þetta er riiiisastór flugstöð þá var eins gott að vera tímanlega :)

Flugum til San Juan í Puerto Rico, þar sem við tók að reyna að anda í öllum hitanum, innrita okkur á skipið og slappa af :) Við sigldum af stað á sunnudeginum kl 22 um kvöldið eftir björgunaræfingu.. Þar sem ég hélt ég myndi látast úr hita, allir í þéttri hrúgu og allir með björgunarvestin á sér, fjúff, mér var heitt!

St. Thomas var fyrsta stoppið, við töltum smá í minjagripabúðir og fórum svo með kláf upp í fjöllin þar og það var magnað að sjá útsýnið þaðan, svo flott :) Fengum okkur ískrap þar uppi og það var svo kalt að ég fékk alveg kalt í ennið... !! En gott í hitanum :) Við áttum svo alltaf fast borð kl hálf 9 á kvöldin í kvöldmat á skipinu, þar kom þjónn með matseðil, og við borðuðum 3ja rétta máltíð á hverju kvöldi :) alltaf nýr matseðill á hverjum degi :) Við sátum með 3 öðrum hjónum á borði og einn var alveg eins og John Goodman, leikarinn, :) mig minnir að hann heiti það allavega..

Dominica var næst :) Þar var svo mikill raki að maður var þvílíkt þvalur og næstum klístraður af hita, óþægilegt? já frekar, en þar fórum við í geðveikt skemmtilega ferð upp í regnskógana, fórum ásamt 6-7 ameríkönum í sendibíl og þeir voru svo almennilegir að lána okkur fyrir aðgangseyri að fossunum, við íslendingarnir vorum bara með kort.. Rosalega gaman að sjá þessa fossa og svo langaði mig í helling af minjagripamörkuðunum þar.. En ég keypti nú samt ekki alveg allt.. tíhí :)

Barbados var næsta stopp en við sigldum á nóttunni og vorum svo komin að bryggju morguninn eftir :) Í Barbados keyptum við okkur safari ferð á opnum Land Rover jeppum og fórum þar í brjálað flottan dýragarð þar sem dýrin ganga laus! Flott dýr :) Þessi ferð tók alveg 3 og 1/2 klst og var hverrar krónu virði..

Þegar hér komið við sögu er kominn fimmtudagur en þá vorum við bara á siglingu, þá var bara um að gera að hafa það kósý, við létum líka taka af okkur myndir, í fínu fötunum og það mátti láta taka alveg endalaust af myndum án skuldbindingar um að kaupa, en við keyptum 2 stórar og 6 litlar myndir, gaman að þessum myndum svona eftir á til minningar :)

Aruba var síðasta eyjan sem við stoppuðum á. við versluðum minjagripi þar en ég man bara ekki hvort við fórum í einhverja ferð.. Minnir ekki!

Kominn laugardagur og við eyddum deginum á siglingu og að pakka niður... Við fórum út með eina stóra tösku og eina flugfreyjutösku, komum heim með tvær stórar og 3 flugfreyjutöskur, já, við versluðum aðeins :)

Þetta var ÆÐISLEG ferð í alla staði og ég blogga meira um ferðina um helgina...

Farin að hafa til kvöldmat

Eyglóin sem er að frjósa úr kulda eftir að hafa GEGNblotnað við að bera út Blaðið og Moggann í morgun, dúnúlpan mín blotnaði í gegn... Geðveik rigning..

Bæ í bili elskurnar :)

P.s nýjar myndir á myndasíðunni :)

Sma kvedja fra Karibahafinu :)

2006-10-18T17:01:00.000-07:00

Hae allir saman :)

Her er alveg meirihattar, tad vantar bara eitt til ad fullkomna tetta en tad vaeri tradlaust internet en tad kostar 0,75 dollara at fara a netid her per minuta... Geggjad dyrt.

Fyrsta stopp fra San Juan var St. Thomas, forum tar i klaf upp i fjall og tar var magnad utsyni..
Naesta stopp var Dominica og tar forum vid i regnskog og skodudum 2 fossa og keyrdum upp fjollin
I dag vorum vid i barbados og tar forum vid i alveg klikkadan dyragard sem var alveg magnadur.. The green monkeys lifa tar og saum fullt af odrum dyrum..

Tokum 176 myndir i dag.. Verdur gaman ad syna ykkur myndir tegar vid komum heim..

Jaeja ordid allt of dyrt, vid hofum tad betra en gott, en soknum ykkar :)

Sjaumst fljotlega

Ykkar Eyglo og Bjossi :)

Laugardagur til útsýnissiglingar ;)

2006-10-14T17:50:00.000-07:00

*Frelsisstyttan :) (allir alveg, ha, í alvöru??)

*Ég um borð í útsýnissiglingaskipinu ;)

*Up close hvað??

*Ég ótrúlega tilbúin að fara í bæinn og í siglingu :9

Dagurinn í dag var mjög skemmtilegur eins og þeir eru reyndar allir búnir að vera :) Við fórum í oggulitla lestarferð, og fórum svo í útsýnissiglingu, sem var mjög gaman að fara í nema ég var að DEYJA úr kulda, en það var gaman að sjá frelsisstyttuna svona nálægt :)

Versluðum smotterí og svo bara heim á hótel að pakka... Og þar sem við erum búin að vera smá dugleg að versla þá erum við með 2 stórar ferðatöskur og 2 litlar, komum með 1 og 1 :) en það er bara gaman :)

Við erum búin að pakka eiginlega öllu niður en við þurfum að vakna kl 3 í nótt til að taka van frá hótelinu að JFK flugvelli, flugið okkar til San Juan er kl 8 um morguninn og svo lendum við ca um hádegi og höfum þá tíma til að skoða okkur um þar því að skipið fer ekki af stað fyrr en um kvöldið :) Bara gaman að því! Ég hlakka alveg brjálað til :) Og Bjössinn minn líka.. ;)

Jæja við ætlum að tölta niður og kaupa okkur e-ð svalandi að drekka og fara svo fljótlega að sofa!

Góða nótt og hafið það ofsalega gott..

Kveðja Eygló :)

Long Island ævintýrið og dagurinn í gær!!

2006-10-13T04:51:00.000-07:00

Jæja þá byrjum við aftur... Ég bloggaði heilan helling í gærkveldi en svo vistaðist það ekki og hvarf! Ég var nett brjáluð...

EN, sem sagt í fyrradag vöknuðum við frekar snemma enda var stefnan tekin á að heimsækja eins og eitt moll á Long Island, við tókum subway-ið til Westbury og þaðan tókum við svo taxa í mollið sem heitir Roosevelt Fields :) Stóórt moll... Þar var sko gaman að vera :) Ég verslaði mér alveg helling af fötum.. Victoria's secret, H&M, JC Penny's, Macy's og svco fleiri búðir fengu nokkra dollara í skiptum fyrir föt :) Allt saman mjög flott og skemmtilegt að versla! Við vorum í mollinu í 6 klukkutíma en þótt ótúlegt megi virðast þá leið tíminn mjög hratt, ég var reyndar að drepast í fótunum enda í glænýjum Sketchers skóm og ennþá að ganga þá til ;)

Næst fórum við í Walmart, og ég get með sanni sagt að ég steinglemydi öllum fótaverkjum, án alls grín þá gleymdi ég því í svona klst að ég væri þreytt í fótunum... Ég keypti alveg helling þarna því það fæst sko ALLT í Walmart, ég fann mér ótrúlega flotta veiðistöng sem ég ætlaði að kaupa mér, með hjólinu og allt á 30 dollara, en komst svo að því að hún hefði ekki passað í ferðatöskuna!! Bömmer.. Eyddum þarna 2 klst og 287 $ sem var nú lítill peningur miðað við allt sem við fengum ;) ;) Tókum taxa aftur út á Westbury og RÉTT misstum af lestinni, þá erum við að tala um ca 15 sekúndur, og þurftum því að bíða í eina klst eftir næstu lest, by the way, það var grenjandi rigning! Vorum komin heim á hótel um kl 23 eftir 11 klst bæjarferð.... Lúnir fætur, já, en samt svo mörgum sinnum þess virði :) :)

Gærdagurinn svo var tekinn í að sofa út, við sváfum til að verða 12, sem var þvílíkt gott og kósý, sérstaklega eftir svona langan og strangan dag daginn áður...

Fórum svo í Macy's sem er búð hér rétt við hliðina á hótelinu, hún er 11 hæða og 1 hæðin er með alveg helling af jóladóti... VÁ hvað ég hefði getað eytt 1000$ þar en maður þarf líka aðeins að passa sig, keypti samt alveg e-ð, og t.d jólakortin sem eru mjöög falleg :)

Tókum svo smá "fiestu" og hvíldum okkur upp á hóteli.. Um kl 16 tókum við svo aftur lestina og var ferðinni heitið að Ground Zero þar sem World Trade Center stóð, það var magnþrungið andrúmsloft að koma þarna og sjá þetta, við fórum líka á WTC safn þar sem mátti sjá video og myndir af þessum voðaatburði og myndir af fólki sem lést þarna, alveg hræðilegt..

Fengum okkur að borða þarna og töltum svo aðeins í búðir.. En bara SMÁ! Komum uppá hótel um kl 21 og höfðum það bara kósý.. Vorum svo að vakna og planið í dag er að fara í útsýnissiglingu :) Segi ykkur betur frá því seinna, reyndi að setja inn myndir á bloggið en það er e-ð ekki alveg að virka núna... En Bjössi er með myndasíðu og hver veit nema hann setji inn myndir þar??

Vona að þetta gleðji ykkur aðeins elskurnar mínar :)

Bestustu kveðjur frá New York

Eygló og Bjössi biður að heilsa ;)

Fórum á bæjarrölt....

2006-10-11T06:19:00.000-07:00

......... og hittum fullt af frægu fólki :)

Þau voru meira að segja til í að stilla sér upp í myndatöku með okkur ;)

Snilldin ein :)

Farin til Long Island að VERSLA!!!!

Eyglóin :)

Hjónin komin til New York :)

2006-10-10T05:41:00.000-07:00

Mig langar til að byrja á því að þakka öllum sem tóku þátt í að gera daginn okkar svona glæsilegan og eins æðislegan og hann var :)

ALLT tókst svo vel og allt var svo fallegt :) Við hjónakornin vorum auðvitað langfallegust á svæðinu, en ég er svoooo ánægð með allt saman :) Skemmtileg minni brúðar og brúðguma, óvæntur "ef þú giftist, ef þú bara giftist" söngur með sérsömdum texta um okkur, fábærar ræður, rosalega vel skreyttur salurinn hjá henni Christinu, glæsileg brúðarterta sem amma gerði og Hildur frænka gerði alveg æðislega góðar kranskökur :) svo söngurinn í vígslunni var algerlega óaðfinnanlegur... Takk Yngvi og Erdna, Anna Siggan mín og svo Írisin mín og Karlott :) Takk fyrir að syngja og vá hvað þið gerðuð ykkar besta (ekki eins og ég hafi búist viðöðru) :)Takk allir... Svo daginn eftir tókum við upp pakkana og magnið af gjöfum... VÁ... Enda þurftum við að nota 3 bíla til að flytja það heim..

Fyndið að segja líka að við keyrðum ógift austur á föstudaginn og heim aftur gift á sunnudaginn!Gæjalegt að keyra austur fyrir fjall, gifta sig og keyra heim aftur 2 dögum síðar...

En nú er það New York.. Við erum á Hótel Pennsylvania, sem er alveg ágætis hótel og við erum á 16.hæð, með útsýni beint á Empire State.. Ég er alveg búin að missa mig í að taka myndir af háhýsum og vá þetta er alveg magnað að sjá þetta, og ævintýrið er rétt að byrja, kl hér er núna 12 mínútúr í 9 en 12 mínútur í 1 heima.. 4 klst munur.. Fyndið.. Erum að fara að hafa okkur til og ætlum að fara og finna okkur góðan morgunverðarstað og finna svo moll og fara að VERSLA get ekki sagt annað en að ég hlakka MIKIÐ til þess :) Ég pakkaði alveg eins lítið og ég mögulega gat og ætla að kaupa rest... Þarf að fata mig upp og ég hlakka svoooo til :)

Jæja tími til kominn að fara út í góða veðrið, og finna fyndnu útlandalyktina sem ég finn alltaf í útlöndum :)

Kveðja Eyglóin og Bjössinn minn biður að heilsa :) Hamingjusömustu hjón í heimi ;) ;)

P.s tókum þessa mynd áðan úr Empire State.... Á örugglega eftir að gleðja ykkur með fleiri skemmtilegum myndum... !!

1 dagur til stefnu :) :) :) :) :) :) :) :)

2006-10-06T01:05:00.000-07:00

Á morgun er stóri dagurinn :)

Dagurinn sem ég hef beðið eftir í margar vikur.. Það er alveg með ólíkindum hvað tíminn hefur liðið hratt undanfarið enda hefur vægast sagt verið mikið að gera.. Ég byrjaði í aukavinnu fyrir ca 3 vikum, (og var nú alveg nóg að gera í hinni vinnunni) en ég er byrjuð að bera út Morgunblaðið og Blaðið á morgnanna, eða næstum því nóttunni, ég vakna milli 5 og hálf 6 og fer út, er ca klst og 10 mín að þessu, hleyp upp stigana á öllum 9 blokkunum sem ég er með og svo er ég með Háberg og Hraunberg ef einhver er forvitinn.... En þetta hefur gengið vel.. Ég hætti að vinna á þriðjudaginn til að klára að undirbúa brúðkaupið en svo held ég áfram að vakna hálf sex þó svo að ég þurfi ekki að bera út enda komin í frí þar líka.. Bömmer, þyrfti nú kannski að sofa meira og hvíla mig til að sofna ekki í miðri veislunni... Hehe...

Það er allt tilbúið. Dagurinn í dag fer bara í að pakka niður fyrir hótelið, sæka kjólinn og fleira skemmtilegt dúllerí... Svo ætti ég kannski að fara að huga að því að pakka niður fyrir NEW YORK en ég hef engan tíma haft í að pæla mikið í því að ég sé að fara þangað en ætli maður fatti það ekki bara á mánudaginn þegar við nálgumst Leifstöðina... Afi ætlar að skutla okkur og við förum með 1 tösku saman og ætlum að koma heim með 4..... VERSLA!!!!!!!!!!! Hlakka alveg brjálað til að fara... Og skemmtiferðaskipið verður æði líka..

Vá ég er svo spennt fyrir morgundeginum að ég get ekki sofið lengur.. Ætla nú samt að skríða uppí rúm og pína mig til að sofna aftur... Verð að hvíla mig.. Er líka hrædd um að sofa bara alls ekki neitt næstu nótt því að ég verð alltof spennt...

Jæja ég ætla að fara að hætta þessu pári... Ég ætla að fara að pakka fína kjólnum sem ég keypti mér til að vera í á sunnudaginn, fyrsta dagin minn sem frú :) Fæ alveg fiðring við að skrifa þetta, þetta er svo æðislegt og skemmtilegt :)

Hafið það gott og ég reyni að skrifa hér inn áður en við förum til New York en ég lofa engu..

Bæ í bili..

Brúðurin (á morgun)

:) :) :) :) :)

Gæsunin!!!!!!!!!!

2006-09-27T13:03:00.000-07:00

Jæja já, gæsunin, ég talaði um það í síðustu færslu að það væri mikið búið að hræða mig með því að ég þyrfti að fara í búning og gera mig e-ð að fífli!!!...............................

Hefst nú sagan:

Ég var sótt af henni Írisi sætu rétt rúmlega 16 á laugardaginn var.. Ella Gitta slóst í hópinn og settumst við upp í bíl...Leiðinni var heitið heim til Örnu þar sem ég vissi ekkert hvað var framundan, ég sest varlega í sófann hjá henni þegar á mig er skellt hárbandi og það sett alveg fyrir augun.. Þær byrja að klæða mig í e-ð sem ég gat ekki með nokkru móti ímyndað mér hvað væri... Þangað til þær rífa mig úr skónum og setja mig í aðra skó.. Þá var mig farið að gruna e-ð, ég var svo leidd (var sko blinduð) að speglinum og þar var hárbandið tekið frá augunum mínum og mér varð litið í spegilinn... Hvað sá ég?? Jú jú þennan líka fína og sæta TRÚÐ!!

Ég skellihló og fannst þær nú fyndnar að setja mig í búning þar sem ég hafði sérstaklega beðið þær ekki um að gera það.. Hmmm (eins og gæsin ráði einhverju) Ég hafði nýlokið við að slétta hár mitt svona vel og fallega þegar Íris sótti mig en svo þegar ég var komin í trúðabúninginn þá fannst þeim slétta hárið mitt ekki alveg passa við hlutverkið, svo að þær bleyttu á mér hárið og úr urðu þessar fínu krullur...... Alveg sætasti trúðurinn þann daginn ;)

Það næsta sem ég heyrði voru drunur, ég mátti hvorki koma fram eða út eða kíkja neitt, þannig að ekki grunaði mig hvað var í vændum.... Kiddi Klettur var mættur í mótorhjóladressinu og á flotta mótorhjólinu... Við tók MJÖG svo skemmtilegur túr um borgina, fórum mishratt og skemmtliegast þótti mér að fara hraaaaatttt.... Klikkað sem það var gaman, já ég gleymi að segja frá því að þær settu á mig pappaspjöld, framan og aftan, framan á stóð "Er ég ekki sæt" og aftan á stóð Bride 2B 7.okt síðasti séns..... Og fólk var mikið að reyna að lesa á skiltin þegar ég þeysti um borgina aftan á hjólinu hjáKidda.. Skemmtileg athygli..

Túrinn endaði í Kringlunni en þar biðu Íris, Arna, Hrund, Ella Gitta og Thea...

Þær voru búnar að útbúa 6 miða með nafninu mínu á og ég átti að labba upp að fólki og segja "Hæ ég er ógeðslega fræg og er að fara að gifta mig, viltu fá eiginhandaráritunina mína??? " Fólk var mishrifið og ein sagði bara hreint NEI... En aðrir brostu kompánlega.... Ég var furðu frökk en það er örugglega auðveldara að gera sig að fífli þegar maður er í búning... Næst tók við að stelpurnar fóru allar inní ákveðna búð og á meðan átti ég að standa fyrir utan og segja "HÆ" við alla sem löbbuðu framhjá mér.... Það var eiginlega bara fyndið... Fólk vissi ekki alveg hvernig það átti að vera... Inní búðinni keyptu þær svona typpabangsa sem hægt er að tosa í spotta og þá titrar það, ég mátti gjöra svo vel og biðja fólk sem ég mætti "að finna" þegar "typpið" titraði... Fólk eldroðnaði nú sumt... Stúlkukindurnar létu mig einnig fara í apótek og spyrja um sleipiefni og hvað væri nú best fyrir brúðkaupsnóttina... Grey stelpan sýndi mér svo nokkrar tegundir og ég lét þar við sitja... Svo eignaðist ég nýtt gloss sem stelpurnar gáfu mér :) Takk fyrir það gellur..
Næst var ferðinni heitið í Nóatún þar sem ég eyði ákveðinni % af dögum mínum þessa dagana... Þar var fólk fengið til að "finna" og það gekk ágætlega.. gaman að koma við í vinnunni og gera mig að fífli þar....

KFC :) Þangað fórum við næst, ég var búin að vera að drekka Nupo Létt og var því glöð að fá alvöru mat... Mmm... Ég þurfti ekkert að gera mig að fífli þar.. ;)

Fórum í ísbúð, keilu, sem ég vann og svo í partý heim til Örnu.. Ótrúlega skemmtilegur dagur og fyndnast er að Arna var eftir allt að leika sér að tala af sér og Hrund pikkaði það uppog mamma lék svona snilldarlega vel með.... Og ég lét platast! En mér var ekki rúllað niður Esjuna í tunnu heldur fór ég í búning og gerði mig að fífli og hafði nett gaman af :)

Ykkar Eygló athyglissjúka ;) ;) Múahahaha

10 dagar....

Eygló hamingjusama :)

Erla Rakel Björnsdóttir....

:)

MJÖG skemmtileg helgi að baki :)

Vinnuhelgi :)

Sumarbústaðarferð :)

Skemmtilegur 17. júní :)

Notalegheit :)

Dekur :)

Páskafrí!

Gaman að segja frá því :)

Titill

Nú jæja!

Bara sætt :)

Hva!

Lífið leikur við mig :)

Komin norður :)

Gleðileg jól :)

Kertaljós og rómantík :)

20 dagar til jólanna :)

You only live once :)

Oh mig langar svo mikið til að fara að skreyta!!!

Kanntu brauð að baka?

Rúgbrauðið hennar Hrefnu ömmu :)

Helgarfrí :)

:)

Ferðasagan :)

Madrid here we come :)

Fyrir einu ári.....

Tvíburar :):)

Ég er svo þakklát...

Ah, helgarfrí :)

Aftur...

Titill :)

19.ágúst 1998 :):)

Höhömm...

Sumarfríið búið..

Home sweet home!

Til hamingju Helga Maren mín og Ögmundur :)

Flottastur!!!

*Blá blóm ~ gul * ......

Prjónaskapur og fuglaskítur!!

*Garg*

1 dagur til stefnu :) :)

Ég bara trúi þessu ekki!!

35 stiga hiti á svölunum mínum :)

Sól sól SKEIN á mig :)

24.júní 2006 :)

Bjössi 33 ára :)

Til hamingju með daginn :)

Nokkur góð mismæli!

Wisteria Lane

Litli dúlli :)

Erling Elí Karlottsson :)

Sorglegt :(

Fyrsta útilega sumarsins :)

Arna...

1.árs :)

Kósý dagur :)

Íííííhhhaaaaaaaaaaaaaa ;)

*Aaaahh*

Grasekkja!!

Nóatúnssagan mikla!

:)

Snilld!

Sumarbústaðaferðin :)

Sumarbústaður :)

Páskar og fleira :)

JÆÆÆÆÆÆÆJ-a

Norðurferð :)

Afmæli, dúnsæng og Pizza Hut :)

Ahhh :)

Gáta ;)

Konudagurinn :)

Forvitna Eygló ;)

Helgin og fleira!

Æ-I

Átakið :)

Ferðalag...

Jæja þá er komið að því!

Blá blóm ~ gul ......

Garg

Aaaahh